鄭俊弘去「殮房」拍《逆緣》主題曲MV 自爆靈異經歷…
2018年05月03日20:08

早前一集《逆緣》中,黎諾懿與夏文汐喺房間的一段戲出現神秘黑影,疑似係有長髮女鬼「探班」睇戲,網民議論紛紛!日前鄭俊弘為《逆緣》主題曲拍攝MV,鄭俊弘形容拍攝現場好似殮房咁,之後仲分享自己的靈異經歷…

撰文:東方新地|圖片:節目截圖

延伸閱讀:

《復仇者聯盟3》必知7件事!

《逆緣》驚現鬼影?《東張西望》緊急抽水

《逆緣》驚現女鬼黑影?

講番早前一集《逆緣》,講述患末期癌症的黎諾懿與家人爭吵後頭暈不適,於是夏文汐扶佢上房,坐喺床邊休息。呢個時候,畫面偏右位置竟然出現一個神秘黑影,感覺似係一個長髮女性,該黑影只見上半身,正正位於椅子上方。望真啲,個黑影仲好似伸手拎住杯一樣…

逆緣
逆緣
逆緣
逆緣

該黑影由始至終都係一動不動,仿似望住黎諾懿同夏文汐演戲咁… 不過咁,其實片場到處都係工作人員、到處都係燈,有人唔小心將影子打喺木板上都唔係冇可能的,但事實係點就無從得知了…

網民齊搵鬼!起底 & 查證!

到底係嚇一跳定係得啖笑?話說電視城經常有撞鬼傳聞,今次在片場的異物,難免引起觀眾亂諗嘢!甚至幫手用Photoshop查證:

《逆緣》有「不速之客」攝鏡 驚現女鬼黑影?
《逆緣》有「不速之客」攝鏡 驚現女鬼黑影?
將相片推光,發現並唔係有異物埋喺座位上面,的確係有個8字型的黑影傾向劇中主角!
《逆緣》有「不速之客」攝鏡 驚現女鬼黑影?
《逆緣》有「不速之客」攝鏡 驚現女鬼黑影?
有網友發揮想像力,幫無名黑影加上面具,即時化身千尋的無臉男!

鄭俊弘去「殮房」拍MV?

有傳去年被飛出《逆緣》的鄭俊弘,最後負責主唱劇集主題曲〈逆天〉,日前佢為主題曲拍MV,不過見到拍攝現場氣氛陰森,鄭俊弘坐喺度對住塊又殘又舊的鏡唱歌,難怪佢拍完都驚一驚:「絕對係殮房嚟㗎!」

分享靈異經歷

提到去過咩怪地方取景,鄭俊弘透露自己曾經喺殯儀館拍攝,更經歷靈異事件!試過當時現場有燈從高跌下、拍完一場戲後又發現原來冇roll機… 鄭俊弘表示現場其他人都覺不妙:「Cam Man即刻話:冇事冇事!再嚟過!」

禍不單行,鄭俊弘拍攝當日更「拗柴」受傷,佢笑言可能由於拍攝前未攞利是!至於係唔係靈異事件,就信不信由你啦…

《逆緣》有「不速之客」攝鏡 驚現女鬼黑影?

電視城明星撞鬼實錄 張家輝 鄭伊健 林峯 都有份!

延伸閱讀:

why not both系列:紅女巫Elizabeth Olsen 同黑寡婦Scarlett Johannson,你實識揀呢!

關注我們Facebook專頁
    相關新聞
      更多瀏覽