沈月現身曾志偉生日P最搶鏡 盤點愈大愈靚星二代
2018年04月29日15:00

曾志偉日前65歲生日,馬拉松式生日P搞足幾日幾夜,其中一個生日P閒閒地都成近二百人出席,包括有陳小春、謝天華、蘇永康、成龍、任達華、薛凱琪、農夫、衛蘭、衛詩等,就連息影多年嘅邱淑貞都帶埋大女沈月到場賀壽,16歲沈月冇見一排又靚咗,成功搶盡班星鏡頭!其實除咗沈月之外仲有唔少愈大愈靚嘅星二代,等我哋一齊嚟逐個睇逐個捉!

撰文:東方新地|圖片:新傳媒圖片庫、沈月IG

延伸閱讀:

《復仇者聯盟3》必知7件事!

袁偉豪那些年參加過《YES!》校草選舉 原來黃宗澤都選過⋯

沈月唔想太高調

離開大銀幕嘅豆斗一如以往星味不減,不過講搶鏡度全晚最閃係豆斗16歲囡囡沈月,冇見一排又靚咗,衣著打扮更勝班星。雖則豆斗話過阿女無意入行,對娛樂圈表演等毫無興趣,唔想太高調更連IG都停咗冇更新,但係呢,星味同氣質呢家嘢,唔係話冚就冚得住,沈月係最一個最好例子!

沈月
沈月
16歲嘅沈月同媽咪豆斗一齊慶祝志偉生日,沈月愈大愈靚女,星味濃,成為全晚焦點,勁搶鏡﹗
沈月 星二代
沈月 星二代
薛凱琪為志偉上台獻唱,原本穿上7寸高跟鞋的她,唱唱吓突然high爆脫去高跟鞋,與志偉踢腳跳舞。
沈月 星二代
沈月 星二代
曾志偉圈中人緣極佳,謝天華、陳小春、周家蔚、湯盈盈、文頌嫻等結伴到賀,逢p必到的黃心穎單拖赴會,不過明顯不屬這個朋友圈,合照時顯得格格不入。
沈月
沈月
16歲沈月同媽媽一個餅印,分別在於更青春更有仙氣,去年更曾為慈善首拍聯合國兒童基金會廣告。

愈大愈靚星二代

林泳 被送出國

除咗沈月,仲好多星二代亦愈大愈靚,林海峰與彭羚嘅18歲大女林泳就身形高䠷、五官清秀,是游泳溜冰健將又遺傳媽媽基因好唱得,有傳被多間大型娛樂公司睇中,游說接洽入行,但林海峰極力反對愛女入行又認為學業為先,據知今年索性送林泳出國升學。

沈月 林泳
沈月 林泳
進入青春期後,林泳身高已經拍得住媽媽,眼大又腳長已經開始有仙氣。
沈月 林泳
沈月 林泳
去年盛傳兩家娛樂公司紛紛出手爭簽林泳入行,網上流出林泳學校泳衣相亦可見林家長女初長成,果然氣質、外貌都有台型又有星味。

任晴佳初登模界

任達華與名模太太琦琦的女兒任晴佳(Ella),今年13歲,其實係16年時琦琦喺網上分享女兒生日派對的盛況,大家先知Ella遺傳了父母的優良基因,如今已出落成一位美少女,更擁有高佻身材,最近第一次玩票性質參與拍攝時尚照,表現超班。

沈月 任晴佳
沈月 任晴佳
據知Ella亦有興趣做模特兒,不過對於入娛樂圈則有所保留,因為其志願係做一個時裝設計師,視Angelababy及美國模特兒Gigi Hadid為偶像
沈月 任晴佳
沈月 任晴佳
圖片:STYLE

甄濟如 為慈善獻唱

「宇宙最強」甄子丹同太太汪詩詩嘅14歲大女甄濟如(Jasmine)愈大愈靚同有條件做model,丹爺話會畀囡囡自己選去向:「我哋做父母嘅都會支持,當然先要佢讀好書。」

沈月 甄濟如
沈月 甄濟如
囡囡Jamine愈來愈高,同阿媽汪詩詩十足姊妹一樣。
沈月 甄濟如
沈月 甄濟如
香港救助兒童會去年在灣仔君悅設宴,甄子丹和汪詩詩的女兒Jasmine為宴會慈善獻唱咗一首歌,當時甄子丹專程由廣州趕返香港為女打氣。

李嘉慧囡囡 晒長腿

曾經95雙料港姐亞軍兼最上鏡小姐、做過名模嘅李嘉慧,依家已經低調億萬新抱,日前佢帶住12歲大女Valerie同10歲Sylvia出巡,年僅12歲的Valerie遺傳咗媽媽九頭身靚身形同筆直長腳,身高已經拍得住媽媽膊頭。

沈月 李嘉慧
沈月 李嘉慧
淡出幕前13年,李嘉慧日前帶住兩個囡囡出巡銅鑼灣,媽媽fit到漏不減當年名模風采,兩個女亦都基因強勁,樣貌標緻腳長長,12歲大女站在5呎10吋嘅媽咪身邊只差半個頭。
沈月 李嘉慧
沈月 李嘉慧
眼大大、鼻高高,12歲的Valerie身長腳長已經拍得住名模媽媽。

康堤 最淡定

陳奕迅同徐濠縈嘅13歲獨女康堤遺傳父母氣質,少女味重得嚟有型又有性格,由細到大見慣鏡頭,次次跟住媽媽出鏡都自然又淡定。

沈月 康堤
沈月 康堤

沈月 康堤
沈月 康堤

姜大衛22歲仔姜卓文入行 全家錫到燶

姜大衛
姜大衛

延伸閱讀:

單立文「奔六」恨仔 胡蓓蔚最後衝刺

關注我們Facebook專頁
    相關新聞
      更多瀏覽