袁偉豪「薯片風波」有後續 DJ阿檸做證人
2018年04月27日14:15

日前有位幕後宣傳人員睇完《復仇者聯盟3》後喺網上大發牢騷,表示睇特別場時坐喺TVB男藝人袁偉豪旁邊,但對方「自以為天王巨星」,眼神極唔友善、說話態度奇差!袁偉豪事後亦有解釋事件兼道歉,網上討論熱烈。以為事件完結啦,不過就有在場第三者出嚟做證,原來係商台DJ阿檸!睇吓佢點講…

撰文:東方新地|圖片:Facebook、新傳媒

延伸閱讀:

《復仇者聯盟3》必知7件事!

你有幾多樣?IKEA十大最好賣的家品(內附:春夏限時優惠 12件抵買床上用品推介)

「行內人」睇《復仇者聯盟3》睇到火起

事緣有位幕後的宣傳人員,睇完《復仇者聯盟3》後喺FB同大家分享,本來有得睇特別場當然好開心,但就被一位TVB男藝人破壞好心情!「一位自以為天王巨星的TVB男artist,從好多TVB前輩口中都聽過呢位上位中的小生態度非常差」,事主稱呢位男藝人未開場時已經用非常唔友善的眼神「睥」住佢朋友,到之後開場後佢食薯片,男藝人就用極差語氣同佢講:「你細聲點!」

袁偉豪
袁偉豪

自以為天王巨星的TVB男藝人

事主強調自己只係食薯片,絕無製造不必要的聲音,無傾偈亦無睇電話等行為,更寸爆叫呢位男藝人「自己包個戲院睇啦嘛,咁咪冇聲囉。」文章末段事主仍然氣憤難平,表示當日坐喺場內該範圍的都係行內人,「你要覺得自己有幾紅先會用咁冇禮貌嘅語氣同人講嘢?」

袁偉豪
袁偉豪

袁偉豪發文回應

該位宣傳人員雖然無開名,不過涉事男藝人之後主動喺FB發文講番件事,原來係袁偉豪!袁偉豪首先表示歉意,但強調冇用不友善眼神望人,而且解釋因為旁邊有人食nachos(玉米片)時包裝發出聲響,所以先輕聲喺其耳邊講句「唔好意思,可否細聲一點?」事主話食薯片,袁偉豪就話佢食玉米片… 不過唔係重點啦!

袁偉豪
袁偉豪

袁偉豪
袁偉豪

兩人版本唔同?

袁偉豪繼續講,指完場後旁邊一行人對佢連番指罵,似乎仲講晒粗口話佢「咁x巴閉」,又話一定會將件事擺上網云云。最後袁偉豪強調唔係唔俾人食嘢,不過希望觀眾可以為他人設想,食嘢時細聲一點!

袁偉豪
袁偉豪

袁偉豪
袁偉豪

DJ阿檸做證人

正當大家以為事件就此完結,日前有另一位在場人士爆料,佢當時仲坐喺該位「薯片先生」正前方,原來係另一位行內人、商台DJ阿檸呀!阿檸稱開場不久己經俾人拍膊頭叫佢坐番低,之後睇戲時難免肉緊,個頭突高咗少少,又即時俾後面位人兄叫佢坐低!阿檸無奈心諗:「喂我本身已經坐低左㗎啦,你嘅要求唔係要我坐低,你要我跣低嚟睇呀!但係你對眼生得矮,我都冇計嫁?」

袁偉豪
袁偉豪
袁偉豪
袁偉豪

「你好騷擾咁大大聲問候人又點計?」

之後講到袁偉豪事件,阿檸指完場等彩蛋時薯片先生又嘈過,不禁話「大明星問你少少嘢又講晒唔好意思又剩都係一種冒犯,套戲都未完場大家等緊彩蛋嘅時候,你係咁喺度話識人老鼠,又好騷擾咁大大聲問候人又點計?」仲寸爆佢責任細所以能力細~ 照咁睇,似乎主角薯片先生先係騷擾人又冇禮貌嗰位喎?

袁偉豪
袁偉豪
袁偉豪
袁偉豪

黃翠如力撐好友

昨日黃翠如出席彩妝品牌活動,提到老友袁偉豪的「薯片風波」,翠如就話袁偉豪係一個好有態度、好直接的人,有嗰句講嗰句,仲不時會替其他演員發聲!咁袁偉豪係咪真係擺天王巨星架子?翠如就指對方其實幾貼地,去大陸拍劇時袁偉豪曾經同工作人員行6公里去書城,會坐喺地下飲嘢,又打書釘等等,巨星點會係咁!

ETV一哥一姐你認唔認得? 呢位女歌手好難估…

0
0

姜大衛22歲仔姜卓文入行 全家錫到燶

延伸閱讀:

徐榮 抱包包出巡 享受父女時間

關注我們Facebook專頁
    相關新聞
      更多瀏覽