【酒店宿一宵】6大暑假酒店住宿優惠!沙田4星酒店 最平每人$680/晚 包住宿+早午晚自助餐
2018年04月26日19:58

「夏日熱辣辣,好熱好熱」,差不多踏入五月,代表夏天就快到。無論是大中小學生,最期待的暑假終於出現,除了旅遊鬆一鬆,留港在酒店過一晚也是好選擇。因為一眾酒店推出了暑假酒店住宿優惠,大多都包住宿及自助餐。記者為大家找來6大暑假酒店住宿優惠。當中沙田的帝都酒店最抵玩,最平每人$680/晚 包住宿、早午晚自助餐,可以食飽就瞓,瞓飽又食過,更可任用泳池等酒店設施,真真正正的放假呀!

撰文:Keith@蕭一叔 | 拍攝:Scott、有關機構

延伸閱讀:

周末快閃澳門!免費換來回船票+自助餐@Travel佳

【日本購物】洗衣機清潔劑測試 | 去污力最強係…

01)沙田 帝都酒店 最平每人$680/晚 包住宿+早、午、晚自助餐

今次的6大暑假酒店住宿優惠中,以沙田的帝都酒店最抵玩,於5月至8月期間,可以$1,370入住雙人客房,而住宿Package已包括早、午、晚三餐的酒店自助餐,真的食飽就瞓,瞓飽又食過,Hea爆放假!不過如果你驚食足三餐會肥,亦可使用酒店內的泳池、Gym Room及蒸氣浴室,食完唔怕肥。而酒店很就腳,距離沙田站及新城市廣場只有數分鐘步程。記者帶埋戴帽熊親身試住了一晚,玩足一日,即睇「包膠」啦!

3pm 酒店Check-in 先睇住宿房間

來到酒店Check-in後,當然先上房睇睇啦,今次記者入住的是豪華套房,有張雙人大床,房間設計簡單,但勝在空間夠大,就算有行李放地下都仲有大把位。
近窗台位置,更有張梳化及書枱,用來坐又得,用唔著用來放嘢又得。戴帽熊做咩望住晒?
而且更有窗台位,可以坐在窗邊休息。
大部分房的景觀都是沙田的城市景,唔算太吸引,但有部分可以看到城門河景。
廁所方面,同樣空間十足,夠光猛,而且有浴缸要加分。

5:45pm-10pm 自助晚餐

在房間休息一陣,5:45pm開始至10pm就是自助晚餐的時間。
當中最令人期待的是即開生蠔。
唔算肥美、海水味淡,但夠新鮮,合格。記者一口氣吃了十多隻,可惜因為認真工作中,英雄無用武之地呢。
另外每位客人都可獲送一份芝士焗龍蝦及黑安格斯牛柳
海鮮凍盤方面,有蟹腳。
青口
凍蝦
翡翠螺
藍青口
凍海鮮味道鮮甜,記者吃了不少呢。
今個月酒店提供黑安格斯牛主題自助餐。
當中有數道用黑安格斯牛不同部位製作的菜式。
使用美國1855黑安格斯牛,製作包括香煎安格斯牛肩胛肉、安格斯牛小排脆腩伴甜酸汁、芝士焗安格斯牛外側腹橫肌農夫包等
日式區域有魚生壽司等等。
另外有天婦羅及炸物。
消化好幫手,飲食要均衡,所以沙律吧不可少。
甜品款式多,除了一口甜品,還有蛋糕類。
都十分精緻。
記者最喜歡的是即製窩夫,更可加上haagen daz雪糕。

善用酒店設施+床上活動-瞓覺!

而且更可使用酒店大部分設施,包括泳池及Gym Room 及Steam Room呢
現場更有教練專人指導,可以做得安心又安全。
泳池環境不錯。
最後當然要睡一覺好的,因為明天還有兩餐自助餐呢。戴帽熊心想:「………」

6:30am-10am自助早餐

自助餐有驚喜,因為除了西式早餐外,還有少見的菜式食物。
例如炸饅頭。
西多士。
日式方面有鯖魚。
更有納豆。
凍豆腐。
冷麵
咖哩

12:00nn-2pm 自助午餐

而12時退房後,就可以落去食埋自助午餐。基本上款式跟晚餐相近。
豬腳薑
即煎薄罉
中式菜式
選擇都算多。
甜品有豆腐花呢。
亦有其他蛋糕。

帝都酒店 寫意悠閒任食住宿計劃

日期:1/5-31/8

價錢:$1,370-$1,800

地點:沙田白鶴汀街8號帝都酒店

查詢及詳情:2694 3898

https://www.royalpark.com.hk/hongkonghotel/hk/rooms/room_package_play_dine_staycation.html

02)尖東 Hotel ICON 每人$750 住宿+做Spa鬆一鬆

位於尖東的Hotel ICON自助餐一值被受讚譽,不過今次我們是介紹酒店的住宿優惠,由5月至8月期間,可以$750/人入住城景客房一晚,另外包一小時泰式Spa,最適合打工仔或奮鬥完DSE、FYP的學生哥去休息一番。如果不好按摩,亦可選擇酒店餐廳內的自助早或午或下午茶餐,甚至是片皮鴨晚餐,任君選擇!

酒店房間景觀一流呀。
而大堂及餐廳設計採光好,夠精神。
住宿優惠包泰式Spa
另可選擇片皮鴨晚餐。
酒店自助餐大家評價都唔錯。

Hotel ICON香港及澳門居民住宿優惠

日期:1/5-31/8

價錢:$1,500起

地點:尖沙咀科學館道17號

查詢及詳情:www.hotel-icon.com

03)大澳 大澳文物酒店 每人$700/晚 住古蹟+包早晚餐

想住百年古蹟唔使去歐洲,去大澳就得啦!大澳文物酒店推出初夏優惠,每人幾百蚊就可以住到百年二級歷史建築。由5月7日至6月28日的客房及Glamping住宿,優惠低至65折。客房方面,最平每人約$700,就可入住酒店雙人床房一晚,連酒店雙人早餐及晚餐。而酒店亦推出豪華露營Glamping,$1,888起三人家庭包豪華露營及家庭式早餐呢,在古蹟露營,算是新體驗呢。

大澳酒店是二級歷史建築,翻新後環境極美。
房間設計走歐陸風。
另外有Glamping可選擇。
而酒店的餐廳更是出名靚。
酒店仍保留不少舊時建築。
更有舊時為大澳警署的設施。

香港大澳文物酒店初夏優惠

日期:7/5-28/6

地址:香港大嶼山大澳石仔埗街

查詢: 2985 8383

www.taioheritagehotel.com

04)將軍澳 九龍東皇冠假日酒店 成班Friend酒店房睇世界盃開P

四年一度的世界盃又來了,想同一大班朋友通頂在酒吧睇波?氣氛好是好,但始終不再是十八廿二,反而想舒舒服服地睇。為迎合由6月14至7月15 、晚8朝4的世界盃賽事,這家酒店推出睇波Room Package,由2-10人都可,優惠已包住宿、自助早餐、餐飲禮券、眼部Spa、十幾二十罐汽水啤酒、小食炸物、世界盃飾物等等,越多人越抵玩!

2人房間都好大。
世界盃”6人或10人派對房,更會有世界盃奬座造型的啤酒杯、不同國家國旗的帽、掛飾、枱燈、手帶、旗仔、坐墊及球星海報,營造足球氣氛。
同時提供小食拼盤,包括水牛雞翼、雜錦串燒、炸法國芝士、炸 洋蔥圈、炸雞塊、薯片及雜果仁,汽水啤酒。
6人計劃可享用600呎行政套房一晚,而10人享用900呎行政豪華套房一晚 ,夠晒大啦。

食、住、歎世界盃住者優惠

價錢:2人計劃$2,018起、6人計劃$2,888起、10人計劃$3,888起

地址: 將軍澳唐德街3號

查詢及預訂: 3983 0300

05)灣仔 六國酒店 住宿包自助早餐及下午茶

六國酒店的「2晚短期休閒住宿優惠」。 於5月1日至8月31日,只要連續2晚住宿,只需$2,800。更可免費升級豪華客房、兩位自助早餐、兩位下午茶。

酒店房間
酒店餐廳

六國酒店「2晚短期休閒住宿優惠」

日期:1/5-31/8

價錢:$2,800起/2晚

地點:灣仔告士打道72號

查詢:2865 1997

06)銅鑼灣 富豪香港酒店 一家三口住 免費升級4人大房

銅鑼灣的富豪香港酒店推出了「全家樂遊香港」住宿計劃,適合一家大細家庭入住。

即日起至8月31日期間入住,三人家庭客房三晚起,即可免費升級至四人家庭房。另外可免費使用頂層露天泳池及健身中心。

酒店房設計很華麗。
天台泳池景觀一流。

富豪香港酒店 「全家樂遊香港」

日期:即日起至31/8

價錢:視入住日期而定敬請向酒店查詢

地點:銅鑼灣怡和街88號富豪香港酒店

查詢:https://www.booking.regalhotel.com/default.aspx2837 1975

【呢個香港人】趴街啦你!生活在六維空間的男生 唔怕污糟邋遢 瞓地影錯視相 只為港人開心、連繫社區

0
0

【呢個香港人】連登巴打4700正評!18歲中大男生畫超神似木顏色黃子華、Ming仔、達哥

0
0

延伸閱讀:

日本芝櫻地圖|東京+富士山+北海道+名古屋 4大粉紅地毯開花、交通總整理

關注我們Facebook專頁
    相關新聞
      更多瀏覽