李璨琛囡囡滿月放「出浴照」 囡囡情深望實爸爸
2018年04月25日14:51

2012年,藝人李璨琛(Sam)與拍拖兩年的時裝設計師太太梁志瑩(Pae)結婚,太太並於上個月誕下囡囡,二人終於榮升父母。一眨眼,兩人的愛情結晶品就已經滿月啦!Pae更在社交網上載出一張囡囡「出浴照」,更大爆係囡囡出世後老公第一次幫佢沖涼。出世一個月先第一次幫囡囡沖涼,唔知阿Sam沖完之後有咩感覺呢?

撰文:東方新地|圖片:instagram、新傳媒圖片庫

延伸閱讀:

《復仇者聯盟3》必知7件事!

韓國男神變形實錄 金秀賢 李敏鎬 都有份?

李璨琛首次為囡囡沖涼

42歲李璨琛與太太梁志瑩結婚近6年,太太於上個月誕下囡囡,話咁快愛情結晶品已經滿月!梁志瑩近日不單至在社交網上放出一張囡囡的「出浴照」,並用星星圖案遮住囡囡嘅身體,又大爆老公係第一次幫囡囡沖涼咁話,同時又公布個囡叫「李元元」。相中可見元元眼定定咁望住爸爸,畫面有趣。

李璨琛代囡囡同大家打招呼

另外,李璨琛亦有上載囡囡的近照,仲代元元同大家打招呼。相中睇到元元細細個就已經非常趣致,佢已經識合埋雙眼,口形更好似扮緊吹口哨咁,認真鬼馬~其實佢哋兩公婆之前都有上載囡囡的BB相上網,但就睇唔到元元正面 ,但而家見到啦,元元真係好得意呀~

元元作狀吹口哨咁,真係好得意呀~
爸爸李璨琛喂元元飲奶。

李璨琛認醉駕 $5000擔保候判

李璨琛因涉嫌酒後駕駛被捕,早前佢穿著黑色西裝和黑皮鞋現身觀塘裁判法院,在三名律師團隊陪同下出庭,他到場時神情凝重表示案件已進入司法程序,不方便透露太多,問到太太梁志瑩可有替他很緊張,他回應指:「緊張一定有,不要說她,我自己都有,多謝」。

李璨琛
李璨琛

李璨琛離開時直認初為人父有壓力:「女兒出生後感覺責任大了,這段時間都有反省,為了家人不會再酒後駕駛,已停了喝酒很久」,並指會為咗自己、為咗屋企人、為咗社會,無論點都唔會再飲酒揸車。

為囡囡而改變自己

李璨琛嘅囡囡早前出世了,他於Instagram貼上女兒的小手,並宣布「Welcome to this world my sweet!」希望李璨琛做咗人爸爸生生性性,以後唔好醉駕啦!

ETV一哥一姐你認唔認得? 呢位女歌手好難估…

姜大衛22歲仔姜卓文入行 全家錫到燶

延伸閱讀:

小倉優香19歲晒處女G奶 盤點十大青春巨乳水着女星

關注我們Facebook專頁
    相關新聞
      更多瀏覽