克勤密謀踩過界做導演
2018年04月24日03:00
克勤有意執導電影,但不會親自主演。

【星島日報報道】李克勤昨日現身商台,宣傳新歌《單身狗》,他坦言《單》是本年度唯一一首廣東歌,因此會盡力宣傳,務求一擊即中。他說:「因為今年要出國語碟,6月份就做拉闊音樂會,今年就係咁多。」克勤表示每周一至四灌錄國語碟,周末就四出商演,並笑道:「爸爸身分就每朝6點幾起身,負責送返學、簽單,送去踢波。」他透露剛由成都返港,可能坐車坐得太耐,腰背有點痠痛,還笑謂:「無事嘅!都會照踢波。」

此外,克勤透露有意開拍電影,故事大綱是成熟一點又帶點幽默的愛情故事,但如此大計畫,自己並不心急完成。問到是否自導自演?他笑謂:「唔演喇,我演得幾好吖?好嘅就做影帝啦!」至於心目中的理想演員?他笑道:「未有,都唔係大資本製作,雖然楊生(英皇老闆楊受成)無話限資金,到時揀好幾個演員,話佢知幾多錢,由佢自己決定囉!第一次做導演,可能係最後一次,希望有第二次啦!」

關注我們Facebook專頁
    相關新聞
      更多瀏覽