古仔唔計較片酬 幫新導演上位
2018年04月22日03:00
■古天樂很樂意跟年輕新導演合作。

【星島日報報道】(星島日報報道)出爐金像影帝古天樂與惠英紅及導演杜琪峯,昨日現身《鮮浪潮.語2018》記者會。從影25年的古仔今年成功封帝,如此高興應該慶祝不斷,問到至今食了多少次慶功飯?他說:「未慶祝過,日日都要開工,好忙,聽日仲要飛上海做宣傳。」

Viu TV繼去年跟鮮浪潮合作後,今年再度合作推出節目《鮮浪潮.語2018》,將於5月13日於ViuTV 99台播出共20集,挑選多部來自「第十二屆鮮浪潮國際短片節」的作品逐一放送。

談到「鮮浪潮」,古天樂希望此活動為電影圈帶來更多新導演,他說:「雖然呢個活動政府有支持,但其實新導演更加需要經驗、做好本分,有時錢多錢少唔重要,因為好多問題要實際面對過先知。」問到可有跟新導演合作過?他說:「無!(因為你片酬太貴,嚇親佢哋?)好電影係應該唔計較片酬,知道新導演拍戲成本唔高,如果有人搵我會配合。」而惠英紅則認為新導演質量很高,亦很開心他們得到支持。

此外,問到可有興趣嘗試做導演?古仔說:「暫時應該唔會,除非唔做演員,因為做導演要好專心,要放下演員工作先會做。」小紅組則透露自己曾當過副導演等幕後工作,她說:「應該唔會試做導演喇!自己都係鍾意做演員,因為做導演壓力好大,唔Enjoy。 」

另外,杜琪峯感謝Viu TV對鮮浪潮的支持及資助,比賽的得獎作品將會在Viu TV播出,如此便有平台讓觀眾了解年輕新一代導演的作品。他又感謝Viu TV在金錢上支持這節目,因為鮮浪潮跟藝術發展局有協議,資金將每年遞減,希望日後能做到自負盈虧,更希望能與Viu TV有長遠合作,幫助一些有能力的年輕人。問到是否藉鮮浪潮去揀卒?杜琪峯坦言很多新人拍攝鮮浪潮的影片後已入了行,並透露去年已看中了好幾位新導演,只不過被人捷足先登。

問到今年是否會跟古天樂再度合作?杜琪峯笑言經常在公司碰到他,並謂:「而家佢攞咗影帝,要先睇吓佢會否扮野加價。(佢有扮野嗎?)佢可能想扮卻唔識扮,大家很多機會合作。(有恭喜他封帝嗎?)有!唔鍾意都會講,人哋攞到你吹咩!好不好只係各有各講。不過,古仔對香港電影很有貢獻,十分照顧年輕導演,出錢又出力,很少這些人。」

今天是杜琪峯生日,問到將如何慶祝?他笑稱沒特別,又不是大節慶又未死得,自然地過。至於會否開派對慶生?他說:「人多便是派對。」

關注我們Facebook專頁
    相關新聞
      更多瀏覽