ETV一哥一姐你認唔認得? 呢位女歌手好難估…
2018年04月19日16:58

小編仲記得讀小學時,上堂最興奮莫過於有教育電視(ETV)睇,起碼冇聽老師講書咁悶,成個課室黑媽媽仲可以瞓陣覺!香港電台最近就籌備緊一個節目,叫《我們都是看ETV長大的》,讓大家重溫兒時回憶,原來有唔少現時仍活躍於娛樂圈的歌手同藝人,以前都做過ETV主角㗎!你又認唔認得佢哋?

撰文:東方新地|圖片:香港電台Facebook、Instagram、新傳媒

延伸閱讀:

楊潮凱囡囡滿月喇!阿凱幫B女影公主造型相

Jessica C 生日晒索爆孕照 安志杰騷六舊腹肌

我們都是看ETV長大的

教育電視(ETV)真係唔少人的集體回憶,小編就最記得「一理通『馬國明』 明白了計算可變簡單」!另外大家可能都唔知道,原來以下呢六位仍活躍於娛樂圈的歌手同藝人,以前都做過ETV主角㗎!當中有幾位以前同依家幾乎一樣樣,有人細細個勁可愛,不過有位女歌手好難估!

ETV
ETV
呢幾位「ETV一哥一姐」,大家認唔認得呢?

運動男神 王祖藍

第一位,相信唔會有人認唔到,佢咪王祖藍囉!不過估唔到以前祖藍喺ETV係飾演排球隊隊長、校內萬人迷,睇吓個女主角幾冧豬!

ETV
ETV
ETV
ETV
ETV
ETV

運動勁都仲未夠,之後片段見到祖藍一手截住想打尖的男同學,讓女主角可以順利上小巴,仲幫對方入埋錢!呢啲咪男神囉!

ETV
ETV
ETV
ETV
ETV
ETV

據知祖藍係喺2000年左右拍過幾集數學科同常識科的教育電視節目,睇番當年祖藍個樣同依家幾乎冇分別,著起校服仲非常乖仔feel,相信老婆李亞男都估唔到老公以前演萬人迷!

ETV
ETV
ETV
ETV
ETV
ETV

綠褲小子 林一峰

第二位係歌手林一峰!原來佢細細個就有份參演ETV,睇番佢以前個樣同依家分別唔大,都係眼仔細細,好鬼趣緻。

估唔到林一峰除了歌藝一流,細細個就已經咁識演戲!唔知佢喺ETV入面有冇唱過歌呢?

造型百變 楊思琦

第三位同祖藍一樣,又係一眼就認得出,楊思琦多年前已經係咁靚女!2001年港姐冠軍思琦妹,原來選港姐都拍過ETV,講得一口流利普通話。除了一般學生妹校服look外,思琦仲有好多唔同造型,學生哥們肯定會睇得好專心!

楊思琦向來以童顏見稱,雖然依家已經39歲,又已是一女之母,不過樣貌身材真係多年不變!唔知思琦會唔會播番自己啲ETV俾囡囡睇呢?

古裝小美人 黃美棋

童星出身的黃美棋,拍過ETV當然唔出奇!片中見到美棋BB古裝小美女look,眼大面圓圓非常可愛,喺其他小演員當中十分突出!

現年28歲的黃美棋細細個已經參演唔少電影、劇集,觀眾可謂由細睇到佢大,現在的美棋BB仍然咁甜美可愛,但同時多了一份女人味!美棋BB睇番自己ETV演出,就留言話自己細個靚啲,面尖尖的,擘大口都特別靚喎!

未衝出太空時 鄧紫棋

呢位眼大大、塊面脹卜卜的小妹妹,似乎係做錯事被發現,所以要同老師講「對不起」!雖然個樣同依家係有少少分別,不過見到佢燦爛笑容、仲有招牌金魚嘴時,大家就認得佢係G.E.M. (鄧紫棋)啦!上海人阿G.E.M.細細個普通話已經標準又流利,令同學們獲益良多~

時光飛逝,當年ETV中的可愛小妹妹,今時今日已經係紅到上太空的樂壇天后啦!話時話,唔知佢喺ETV入面個女同學仔依家點呢?

女大18變 連詩雅

最後呢位真係難估啲,片中呢位小妹妹英文流利,發音頗算標準,自信十足!旁白就話呢位女歌手「長頭髮、面尖尖、高高瘦瘦」,但都真係聯想唔到佢係連詩雅(Shiga)!

連詩雅出名身材高佻,有對修長美腿,依家睇番佢細個時似乎已經係高人一等呢!

Shiga小時候參與過好幾集英文科ETV演出,節目中同唔少外藉同學仔有對手戲,講英文真係幾好聽!亦相信佢英文係由細叻到大。咁Shiga之前喺網上串錯「Rest in Peace」做「Rest in Piece」… 相信係唔小心啫!

古天樂首奪影帝 多年來低調行善 內地建逾百學校

0
0

金像獎紅地毯大戰 女星爆乳大激鬥

延伸閱讀:

利嘉兒婚後8年造人成功 宣布陀B四個月

關注我們Facebook專頁
    相關新聞
      更多瀏覽