香港電影金像獎大清算 細數37屆之「最」
2018年04月14日19:00

第37屆香港電影金像獎喺嚟緊嘅4月15日 (星期日) 晚上於香港文化中心隆重舉行,邊個會成為今屆嘅影帝影后?而又係咪你哋心水?到時就會知!

唔覺唔覺,金像獎都嚟到第37屆,作為電影迷,對呢件香港影壇嘅盛事又有幾了解?我唔係指背景歷史喎!而係喺歷年嚟得獎、提名嘅名單上,邊個提名得最多影帝?邊套戲攞過最多獎?邊個攞得最多次影后……等等,今日就嚟個金像獎37年大清算!

原文:新Monday|圖片:新傳媒圖片庫、金像獎FB

延伸閱讀:

林夏薇擁13間食店 山頂15億獨立屋做愛巢

陳小春靚靚Chilam化身賭神 展開最強親子旅行團

歷屆金像獎 攞「最佳女主角」最多次嘅演員

曾喺9次提名中有5次封后嘅張曼玉,成為最多次數嘅金像獎影后,當中《甜蜜蜜》、《阮玲玉》等更係其經典代表作。

香港電影金像獎
香港電影金像獎

入圍「最佳女主角」最多但從未獲獎嘅演員

鄭秀文曾經7次提名金像獎「最佳女主角」,而喺第21屆中,更試過憑《鍾無艷》、《同居蜜友》同《瘦身男女》有3個提名,不過嗰年最後由張艾嘉(《地久天長》)攞咗。

香港電影金像獎
香港電影金像獎

入圍「最佳女主角」最多次嘅演員

張艾嘉都曾11次獲提名金像獎「最佳女主角」,包括今屆《相親相愛》,當中曾2次得獎。

金像獎
金像獎

最年輕嘅「最佳女主角」

1983年,只有17歲嘅林碧琪,就係憑《靚妹仔》封后。

金像獎
金像獎

最年長嘅「最佳女主角」

羅蘭喺2000年憑《爆裂刑警》封后,當年66歲,係最年長嘅金像獎「最佳女主角」。

香港電影金像獎
香港電影金像獎

攞「最佳男主角」最多次嘅演員

有11次提名過影帝嘅梁朝偉,曾憑《花樣年華》、《無間道》、《2046》等電影5次封帝。

香港電影金像獎
香港電影金像獎

入圍「最佳男主角」最多次嘅演員

近年多產嘅劉青雲,37年嚟曾16次提名金像獎「最佳男主角」,但只係憑07年《我要成名》同15年《竊聽風雲3》攞過2次影帝。

香港電影金像獎
香港電影金像獎

最年長嘅 「最佳男主角」

1996年,已故嘅喬宏憑《女人四十》封帝,當年69歲嘅佢,成為最年長提名同攞獎嘅金像獎影帝。

香港電影金像獎
香港電影金像獎

攞「最佳導演」最多次嘅導演

導演許鞍華咁多年嚟共有12次提名,當中憑《投奔怒海》、《女人四十》、《天水圍的日與夜》、《桃姐》同《黃金時代》共攞過5次金像獎「最佳導演」。

金像獎
金像獎

入圍「最佳導演」最多次嘅導演

不過講到提名得最多嘅就係杜琪峯,37年嚟共有18次提名,當中亦憑《槍火》、《PTU》、《黑社會》3次得獎。

金像獎
金像獎

入圍「最佳導演」最多但從未獲獎嘅導演

陳木勝曾憑《衝鋒隊怒火街頭》、《雙雄》、《新警察故事》、《保持通話》、《掃毒》等電影提名過共5次金像獎「最佳導演」;其中《掃毒》喺該屆共有8個提名,但都全軍覆沒,陰功!

金像獎
金像獎

首部大滿貫電影

大滿貫即係同一部電影同時包下金像獎「最佳電影」、「最佳導演」、「最佳編劇」同「最佳男、女主角」獎項,而第1次出現大滿貫係喺第15屆香港電影金像獎,由許鞍華執導嘅《女人四十》;相隔16年後,同樣由許鞍華執導嘅《桃姐》,則於第31屆香港電影金像獎再次大滿貫。

金像獎
金像獎

首部演技獎大滿貫電影

2016年由翁子光執導嘅《踏血尋梅》同時獲得「最佳男、女主角」、「最佳男、女配角」和「最佳新演員」獎,實現金像獎史上首次演技獎大滿貫。

金像獎
金像獎

獲獎最多嘅電影

王家衛拍咗十幾年嘅《一代宗師》,梁朝偉、章子怡主演,喺第33屆香港電影金像獎中共有14項提名,包括「最佳電影」、「最佳導演」、「最佳編劇」、「最佳女主角」等等,埋單一共攞咗12個獎,係歷年嚟獲獎最多嘅電影。

金像獎
金像獎

最多提名但全軍覆沒嘅電影

由黎明、甄子丹主演嘅《七劍》,喺第25屆香港電影金像獎上,獲「最佳電影」、「最佳導演」、「最佳女配角」等11項提名,可惜冇一獲獎。

金像獎
金像獎

最多提名嘅電影

2001年《卧虎藏龍》、2003年《無間道》、2005年《功夫》同2010年《十月圍城》,分別都喺該年得到金像獎16個獎項提名。

金像獎
金像獎

薛家燕囝囝6月結婚 過大禮勁大陣仗

謝天華宣布喜訊 45歲Laughing嫂再度懷孕

熊黛林人工受孕陀孖女?經理人:好消息等Lynn公布!

延伸閱讀:

梁浸浸3歲生日 Yumiko漏夜佈置生日會

關注我們Facebook專頁
    相關新聞
      更多瀏覽