《金像獎》特刊 玩味十足
2018年04月10日03:00
華仔憑《拆彈專家》競逐影帝。

【星島日報報道】《香港電影金像獎紀念特刊》向來呈現一眾候選影帝、影后的華麗風采,但今屆配合大會主題「青春常駐」,多位候選人改以年輕玩味造型拍攝昨日曝光的紀念特刊。準影后之一的周秀娜頭戴「羹羹叉叉」后冠亮相,笑言自己今次終於「有叉用!」

昨日曝光的《第37屆香港電影金像獎紀念特刊》,有份拍攝者包括候選影帝古天樂、鄭中基、田壯壯、凌文龍;候選影后張艾嘉、毛舜筠、周秀娜與鄧麗欣;以及幾位候選最佳男配角及最佳女配角。今年打破過往金像獎特刊華麗造型的慣例,以得意玩野形象帶出今屆大會主題「青春常駐」,風格充滿青春氣息。而下周日舉行《金像獎頒獎禮》當晚亦會繼續設有最佳衣着獎,當晚由香港時裝界殿堂級名人何國鉦選出一男一女最佳衣着得獎者。

角逐影后的周秀娜昨日談到今次拍攝金像獎特刊的趣事:「今次拍攝好得意,因為我一心諗住去影的時候,就已經做好心理準備會影一啲好靚又優雅的相,去到就好多不同配飾,例如我戴在頭上的皇冠是用湯匙及叉製成,又無諗過影金像獎場刊可以拎塊滑板,咁街頭的物品可以襯到落去!所以今次的拍攝感覺幾得意,好輕鬆又好似開Party。同埋個皇冠全部用湯匙、叉製成,我哋仲講笑話終於有叉用啦!」

角逐最佳男配角的姜皓文較少穿Hip Hop造型,所以亦大感新鮮:「今次係第二年影場刊,經驗唔算多,今年着Casual Wear拍照,感覺輕鬆好多,氣氛亦好好,因為不用着西裝,活動性較大。身上好似Hip Hop的造型,平時好少着呢類衫,但睇到鏡中自己又OK喎!現場播放音樂,氣氛無咁緊張,好似玩住影。」

最佳女配角候選人之一的邵音音亦好滿意今次青春的造型,她謂:「今次以青春為主,感覺得意,揀畀每個人的服裝不同平時,所以個個都影得好開心!我好滿意自己個造型,個妝幾靚,髮型又復古,又有Tiffany & Co的首飾。今次好似開派對,每個人都要跳舞,不過我哋分開拍攝,好開心拍攝時播放的都係A-go-go音樂,任我哋瘋狂跳,好好玩!第一次拍照係咁唔死板的。」另外,音音姐的爭獎對手寶珮如前晚錄影《流行經典50年》,是她首次亮相無線節目唱歌,但因經常登台故並不緊張。

此外,近日於泰國拍攝新片《咎贖》的鄭中基昨日返港準備出席本周日舉行的金像獎頒獎禮,但竟要坐輪椅返港,事緣他於泰國發生意外傷及右腳。其經理人及《咎贖》監製田啟文昨日表示:「佢返港做詳細檢查及做物理治療,待金像獎後便回泰國繼續拍攝至5月初,右腳骨裂,在排動作戲時受傷。」

關注我們Facebook專頁
    相關新聞
      更多瀏覽