【已備案】肥媽「被代言」廚具團購:啲嘢唔係我賣
2018年04月07日07:00

最近有唔少騙案,聽得最多可以話係「點數黨」,不過呢日,又有新嘢發生。

事源係肥媽瑪利亞(Maria Cordero)教煮嘢教到出晒位,一見到佢就諗起食,所以唔少商品都想搵佢幫手代言,呢日就有個叫「肥媽私伙菜」嘅專頁,貼咗好多肥媽嘅相,順便推銷廚具,又聲稱係「肥媽」開團購。

肥媽知道後好嬲,佢喺facebook澄清話同呢個專頁無關,會保留追究權利,亦已經去咗跑馬地警署備案。

佢回應傳媒就時話:「有個網站叫肥媽私房菜,又賣刀又介紹人買魚蛋,我唔識佢哋,亦唔知佢哋係邊個。啲嘢唔係我賣嘅,我冇用過。」

肥媽仲話之前有班人借住佢個名賣玉器:「我有一個馬來西亞玉石公司sponsor,而唔係一間自稱贊助我嘅香港公司。」

關注我們Facebook專頁
    相關新聞
      更多瀏覽