肥媽嬲到報警叫人舉報!俾人冒認開fb賣野
2018年04月07日12:07
肥媽叫大家齊齊舉報。

【星島日報報道】肥媽(Maria Cordero)一向係女廚神,形象入屋整野又好食,自然係生招牌,人人都想搵佢做代言。不過有不法之徒,竟然亂用佢嘅相同fb,開咗個社交媒體專頁,係咁話係佢推介嘅野,相信有唔少人信以為真,肥媽係性情中人,更加心痛有支持者俾人呃,經已立即同facebook舉報同報警,而且係網上發帖,叫大家一齊舉報!

肥媽點埋名貼晒圖出嚟,原來嗰個涉嫌假冒嘅專頁叫「肥媽私房菜」,又用晒肥媽嘅相做頭像做宣傳,經已有5000幾人like咗,更加不時用肥媽嘅名義搞團購推銷產品,講到似層層咁,但原來係未問過肥媽,難怪肥媽㷫烚烚啦!

肥媽發晒封殺令,係真嘅帳戶話「近日在社交網站Facebook發現肥媽私房菜的專頁,頁面更直接盜用了本人的照片及肥媽名字作無關的宣傳。

於Facebook 網上平台售賣物品,特此聲明所有售賣的物品與本人無關。本人保留循法律途徑追究任何侵犯肖像及商標的權利,特此發表《嚴正聲明》,以正視聽。

本人對Facebook亦保留循法律途徑追究權利。

請大家不要受騙!!」

肥媽仲留言話「你哋唔好俾人呃!唔抵呀嘛」,叫大家見到這個「肥媽私房菜」專頁的話,請幫忙向Facebook檢舉。

關注我們Facebook專頁
    相關新聞
      更多瀏覽