【周末好去處】8個靚景公眾燒烤場!無敵海景+樹林景色+風箏場|捉緊春天的尾巴
2018年04月06日20:16

雖然已經踏入春天,不過天氣時熱時涼,好像今個周末氣溫又降到十幾度!既然是這樣,大家齊齊捉緊春天的尾巴,一家大細一班朋友去郊外BBQ,歡聚周末的同時,順便吸下新鮮空氣!今次記者就介紹全港8個靚景BBQ地點,仲等咩呀,約人啦!

撰文:Kelly 、Katie、Mandy|圖片:相關機構、GOtrip

延伸閱讀:

PUBG Mobile手機遊戲正式推出!今次一齊手機食雞!

【日本櫻花2018必讀】花期早到!日本東北、北海道賞櫻行程+景點特集

有山有海有風景 全港靚景BBQ場

在香港,除了一些收費的燒烤場外,還有不少郊外的公眾燒烤場!或者市區的BBQ場相對是方便點,但是想親親大自然的時候,公眾燒烤場就是最好的選擇啦!有山有海有風景,被樹林包圍住燒野食,空氣都清新點!今次記者就介紹全港靚景燒烤場,今個周末記得去吸一吸新鮮空氣。

今個周末又轉涼,是時候去BBQ啦各位!

新界區

1.青草地 西貢大網仔燒烤區十五號場

西貢一向是燒烤聖地,今次記者介紹一個位置比較隱蔽的場地,大網仔燒烤區十五號場!場內有七個燒烤爐,雖然爐的數目比較少,但爐與爐之間卻有更多空位,私人空間都多點!整個場地都被樹林包圍,又有一大草地,還可以露營!

燒烤場
燒烤場
BBQ場大大個草地,放狗都得!
燒烤場
燒烤場
草地近大網仔一號營地。

地址:大網仔燒烤區十五號場(烈士紀念碑旁邊斜路步行約5分鐘)(顯示地圖

交通:在西貢士中心乘九龍巴士94號/在鑽石山站乘96R,在「西貢户外訓練營」站下車

2.無敵大海景西沙路燒烤區四號場

同樣在西貢,在大網仔燒烤區不遠處,有西沙路燒烤區四號場!這個場面前有無敵大海景和翠綠大樹包圍,環境清幽,超relax,不過燒烤爐只得兩個,手快有手快無囉。

燒烤場
燒烤場
西沙路燒烤區四號場,有山又有海。
燒烤場
燒烤場
對面就是水浪窩燒烤場,沒有位都可以過隔離!
BBQ場附近,更有水浪窩「觀星台」。

地址:西沙路燒烤區四號場(水浪窩對面,停車場旁邊)(顯示地圖)

交通:在大學站乘新界區專線小巴807B,在總站下車

3. 吐露港靚景大尾篤郊野公園

除了西貢外,大埔都是一個燒烤熱點!大尾篤郊野公園擁有37個燒烤爐,還面對吐露港靚景,是多爐的BBQ場,不用怕冇爐!而且燒烤場附近,更有風箏區、划艇區、十二生肖家樂徑、淡水湖主壩、釣魚場,多元化的玩樂設施,加上地點交通方便不太偏僻,一家大細去就最適合不過,記者都曾經去過大尾篤燒烤,環境都算靚,還可以踩單車,一流!

大尾篤燒烤場,一大片吐露港的景色,影相都一流!

#家樂徑 #大尾篤 #放工散步

A post shared by ChiHung Chan (@phhung) on May 1, 2017 at 3:30am PDT

地址:大尾篤公眾燒烤場(顯示地圖)

交通:大埔墟火車站乘坐75K巴士/20C小巴 ,在大尾督總站下車

4. 對住大海放風箏清水灣大坳門

另一熱門靚景燒烤場,就要數到清水灣的大坳門啦!大坳門位於清水灣東部,附近有山有海,而且清水灣郊野公園內有大片草地,又可以燒嘢食,還有放風箏的地方。而且交通都非常方便,有巴士、小巴直達,下車後向清水灣郊野公園方向行,大約15分鐘便可到達放風箏地點。

雖然坊間經常指大坳門是放風箏熱點,但其實放風箏的地方是大坑墩。
遠眺可以看到果洲群島、橫瀾島、布袋澳等等,風景不錯。
除了放風箏,郊野公園內亦有不少人野餐或燒烤,而且可以帶同寵物一起郊遊,可以玩足一日。
放完狗放完風箏,整班朋友一齊BBQ,爽!
放風箏BBQ過後,可以到附近的龍蝦灣郊遊徑影靚相。
於山頂有一望無際的海景,天氣好的話,可以遠眺蚺蛇尖、吊鐘洲等地。站在大石上,有種大地在我腳下的霸氣。

地址:清水灣大坳門(顯示地圖

交通:將軍澳港鐵站乘103M號小巴/鑽石山地鐵站乘搭91號巴士

九龍區

行路都去到 獅子山公園

九龍區的公眾BBQ場相對較少,不過獅子山公園卻是一個不錯的選擇,因為交通方便,只要在樂富地鐵站行上去,大概15-20分鐘就去到,好像記者那麼懶的人,就至愛這往市區燒烤場啦!場內的燒烤爐也算多,有26個,一邊燒烤,一邊遠眺獅子山的美景,正呀!

場內BBQ爐很多,而且亦很乾淨。

獅子山

A post shared by WildGuardian (@lpwildhuntergreen) on Jan 27, 2018 at 5:36pm PST

地址:九龍黃大仙竹園道(顯示地圖

交通:樂富地鐵站往天馬苑方向行走/乘搭小巴53m到天馬苑下車再按指示上山

港島區

01.人少少海景BBQ 聖士提反灣燒烤場

BBQ,當然是想人少少,不要那麼迫!如果大家想有海景,又靜靜的,就可以去到港島區的聖士提反灣!聖士提反灣位於香港島南區的赤柱西岸,對比正灘少人得多,而且還可以有一大個海景,雖然比正灘遠,但行多幾步就不用跟人迫,都算唔錯呀,如果不怕凍,游完水還可以立即BBQ!

人少少,玩咩都得。

✨聖士提反灣燒烤場🍢✨ 🎵望下個天 咁好天 去下海邊 夏天就快黎啦 趁住未算好熱 梗係約埋啲朋友一齊去燒烤啦❣️ 介紹大家一個有得睇隱世靚景嘅燒烤好去處🤤 位於赤柱南區嘅聖士提反灣🔮 嗰度大約有14個燒烤爐 二十四小時開放 亦都設有洗手間 雖然唔算太熱門 不過對住個大海景 非常寧靜 點燒都冇人打擾 燒完烤都可以順便影下靚相 同埋就可以減少同人迫嘅機會啦🤞🏼 📢需自備燒烤用品及食材 ((最近嘅購買地點係赤柱廣場及警署嘅超級市場)) 📢保持地方清潔 🚙🚙🚙❓❓ 確實地點🎇香港赤柱黃麻角徑 巴士—14//6a 係赤柱巴士總站落🚛 向黃麻角道步行大約10幾分鐘就會到㗎啦 #hongkong #travel #journal #photography #stanley #bbq #fun #chill #香港 #遊記 #燒烤 #燒烤場 #聖士提反灣 #攝影 #郊遊好去處 #hktj #hktj赤柱

A post shared by 香港遊記🎇HKTJ (@hktraveljournal) on Apr 3, 2018 at 3:32am PDT

02.自成一角夠晒靜舂坎角燒烤場

另一個在港島自成一角的燒烤場,就要數舂坎角了。舂坎角位於香港島赤柱以西,需要在赤柱行一段石級才可以到達,但風景優美,又有泳灘!燒烤場面積都不算細,有二十多個公共燒烤爐,不過由於附近沒有商店,所以大家要買齊食材和用品才行入去!

舂坎角周末都不太多人,燒住野食聽下海。

A post shared by Jimmy LI (@jm_nut) on Dec 31, 2017 at 12:27am PST

地址:舂坎角燒烤場(顯示地圖

交通:中環鐵路站乘6/6X/65/66號巴士,在舂坎角沙灘站下車

03.世外桃源BBQ 東龍島燒烤場

東龍島這個地方,除了有無敵大海景外,更有營地、BBQ場,還有大大個樹林景,不少明星都會到來取景拍MV!在眾多BBQ場中,記者真是大愛這個場,雖然交通不太便利,但值得花時間入去過一日!

有不少家庭都愛在這裡郊遊BBQ,小朋友玩得都幾開心。
東龍島_郊遊_山系
東龍島_郊遊_山系
被樹林包圍外,更有海景,好有feel 呀!
BBQ前可以行一行東龍島,感受大自然。
還有營區!
就連日落景都靚過人。

地址:東龍島燒烤場(顯示地圖

交通:油塘鯉魚門三家村出發搭街渡

不過,當大家去到公眾BBQ,都請大家愛護環境,帶來的垃圾記得要拎走,不要破壞大自然的美景!

【周末好去處】香港國際七人欖球賽2018 ! 4大rugby迷好去處|銅鑼灣睇直播+嘉年華

0
0

4月全港泳池重新開放!香港邊個泳池最污糟?九龍公園泳池曾驗出含尿量+大腸桿菌超標

0
0

延伸閱讀:

Facebook Game年代已過去?10個你一定有玩過嘅經典遊戲!

關注我們Facebook專頁
    相關新聞
      更多瀏覽