【戀情告終】張振朗陳芷尤「手已分」:不涉及第三者
2018年04月03日07:00

張振朗同陳芷尤嘅緋聞傳足好幾年,兩人一直未有承認戀情,早前就有傳張振朗飛去新加坡,見陳芷尤父母!

正當大家以為「好事近」,呢日兩人就分別喺社交網,宣佈「手已分」。

張振朗同陳芷尤嘅留言都係一樣,佢哋話:「多謝這幾年來的美好回憶,所有事情就像昨天發生一樣,依舊溫暖。我們當中並沒有涉及第三者。雖然現在關係有所改變,但我們都會在遠方繼續支持大家。感謝這幾年來對我們的關心。」

陳芷尤之後以短訊回覆傳媒,話兩人已經分開咗一段時間:「大家各有各忙,觀念不同。大家仲係朋友,希望俾啲私人空間我哋。」問到兩人係咪轉玩地下情?陳芷尤就話:「都係想為自己嘅事業努力。」

至於張振朗亦講啲類似嘅嘢:「大家想為自己嘅事業繼續努力,都仲係朋友。」

兩人都係25屆藝員訓練班畢業,之後拍《愛‧回家》而「撐著」,為咗唔好影響事業,兩人一直都低調處理感情問題。

關注我們Facebook專頁
    相關新聞
      更多瀏覽