【好幸福!】高皓正下月再做爸爸 一家影全家福
2018年04月03日07:00

高皓正同醫生太太陸凱兒有一個6歲大囡囡高純意,同4歲大囝囝高神悅!不過兩人依然繼續積極「造人」,嚟緊5月1號,三女就會出世,趁住太太生日,一家「五口」特別影全家福留念!

陸凱兒喺Instagram貼相,見佢係巨肚上畫上心心,高皓正就攬實老婆示愛,陸凱兒話:「今年的生日很特別,因為有肚內的囡囡陪我過生日!之前的兩個小孩也沒有在我的肚子裏陪我過生日。謝謝大家的生日祝福!」

高皓正接受報章訪問,話今次佢都只係會陪入產房打氣同拍片,唔打算剪臍帶:「交畀專業人士去剪臍帶,我都好驚!」佢又話會一視同仁,三名子女都咁錫。

關注我們Facebook專頁
    相關新聞
      更多瀏覽