【專訪】羅力威寫歌諗自己 《嫁給我》唔止送畀雨僑!?
2018年03月28日11:05

如看不到 請到YouKu觀看

羅力威和雨僑將於本月底正式拉埋天窗,羅力威包辦曲詞寫了充滿甜蜜的新歌《嫁給我》,不過他竟然指寫歌時主要都是想着自己,又老實表示新歌不止送給雨僑一個,原來他是想將祝福送給每位聽眾,這個原因相信雨僑聽完都唔會嬲嬲豬!

準新郎羅力威趕住出《嫁給我》:冇理由出分手歌

年頭宣布結婚喜訊,羅力威大爆新歌《嫁給我》是在很趕的情況下創作的,更笑指沒有理由出分手歌,所以便出一首浪漫甜蜜的歌。羅力威:「當然係送畀另一半的禮物,但亦希望可以祝福所有聽眾聽完都可以幸福快樂。唔好嘥咗首歌,話首歌只係屬於我同雨僑。我做歌都係畀人聽。」問到創作時會否想着雨僑,羅力威竟然指其實是想着自己更多:「會諗自己冇好多身家,又唔係好大隻,又冇8嚿腹肌…」

送歌不是最冧但是最認真的事

問到送上《嫁給我》是不是對雨僑做過最冧的事,羅力威認為未算是冧,應該是最認真:「咁認真去做首歌出嚟,本身我自己都估唔到會做到。」談到MV用手指舞來拍攝,羅力威:「本身我唔係好想出現喺MV入面,唔想畀一種感覺呢隻歌係屬於我同另一半之間。希望都可以成為其他人嘅主題曲。」

羅力威唔諗定愛的宣言

問到月底婚禮準備成點?羅力威表示已準備得差不多,不過愛的宣言就沒有準備定,但就打算在當日一個不漏地多謝支持自己的朋友:「希望當日大家都玩得開心,因為婚禮主要都是小弟負責。」至於婚禮上二人會否感動落淚,羅力威直指預計不到,雖然自己是唔多喊的人,但表示如果喊都唔係問題!

羅力威自爆理想中的婚後生活。

如看不到 請到YouKu觀看

關注我們Facebook專頁
    相關新聞
      更多瀏覽