何超蓮處女廣告 甜美笑容融化全場
2018年03月26日15:05

澳門賭王何鴻燊千金何超蓮出名索爆就係人都知,最近佢首次為飲品品牌MEKO(美果)拍攝處女廣告,何超蓮表示接拍呢個廣告嘅原因之一,除咗因為自己細細個就已經好鍾意該品牌產品外,更因為佢哋理念一致,以開心正能量為主題,啱哂佢做開嘅慈善工作『Smile with us HK』認真人靚心更靚呀!

撰文:東方新地

延伸閱讀:

【獨家新相】 黎明新寵Wing Chan 陀B出巡狂掃貨

男人愛大胸定平胸反映人格特質 有錢愛平板?!

何超蓮擔任飲品品牌代言人

近日,何超蓮就為飲品品牌MEKO(美果)擔任代言人,皆因品牌廣告概念係以開心正能量,飲完會開心、會笑為主題,啱哂佢做開嘅慈善工作『Smile with us HK』。另外,飲品品牌「道地」更積極與Smile with us HK於五月籌備另一項慈善活動。

何超蓮做開嘅慈善工作『Smile with us HK』

何超蓮擔任飲品品牌代言人。

何超蓮有導演教路

雖然何超蓮平時都面對慣大場面,但正式進行拍攝都係第一次,面對鏡頭嘅超蓮都難免會有啲緊張,所以表示自己好驚會拍好耐同埋會阻人收工。但唔使擔心嘅,事關導演都好識做,即刻講解成個廣告嘅故事俾超蓮知道外,亦順便教佢如何放鬆,易啲投入拍攝廣告。

何超蓮處女廣告首次跳舞

由於要配合番首廣告歌,所以何超蓮要係廣告入面跳舞,但因現場好多拍攝嘅人,超蓮就話自己面皮唔夠厚,自己一個係鏡頭前跳舞好尷尬,好彩氣氛唔係好大壓力,跳完第一次,第二、三次都好好,無over run,睇嚟都幾有幕前演出天份。

今次廣告仲會加入一個電腦特技嘅狗仔小吉,現場係見佢唔到,所以喺拍攝時何超蓮就要靠幻想兼俾好多反應。雖然要對住空氣做好多對手戲,但睇落都難唔到佢,拍攝現場充滿笑聲。

何超蓮對住空氣做對手戲。
電腦特技嘅狗仔小吉

何超蓮正能量爆燈

何超蓮就話自己本身份人好鍾意笑,係一個好正面嘅人,而且人係可以選擇自己情緒,可以開心同唔開心,好攰就提下自己笑。單憑今次呢個廣告就睇得出超蓮堅係鍾意笑嘅人,笑容真摯燦爛,簡直溶化大家嘅心呀!

超蓮笑容甜美,睇到人心都溶哂。

鋼管舞女神貝依霖 有舖露股癮

張馨月陳年大媽look曝光 林峯新歡改名變臉?

延伸閱讀:

【獨家新相】 黎明新寵Wing Chan 行頭十級跳變闊太

關注我們Facebook專頁
    相關新聞
      更多瀏覽