【過關被扣查】證件相出晒事 張繼聰:用咩方法都唔成功
2018年03月25日07:00

張繼聰呢日喺社交網站,自爆自己每次過關都會被人捉走!

張繼聰話自己張回鄉證四年前影,嗰陣拍緊《老表,你好hea》冇留鬚,同依家個樣有啲唔同,所以每次番內地工作都會被扣查:「成日都聽到後面有啲朋友講話:『嗰個張繼聰被人拉咗喎!』通常都係要出示埋身份證,仲大件事,我張身份證係十幾年前影嘅。」

阿聰之後苦笑:「工作人員做得非常正確,因為唔單只你哋,我同事、我嘅工作伙伴、甚至我自己,都唔係好信呢三個係同一個人,但我張身份證同回鄉證又未到期,所以情況係唔會改善。」最後佢澄清:「我冇走私,冇被人拉,我只係証明唔到我自己身份。」

隔咗陣阿聰再拍片,佢繼續講佢嘅「遭遇」:「我每次都好努力去嘗試,但係無論我用咩方法都係唔成功嘅。」

關注我們Facebook專頁
    相關新聞
      更多瀏覽