楊千嬅《多功能老婆》同黃浩然再合作 盤點8套千嬅無綫劇
2018年03月12日20:47

楊千嬅近日接拍無綫劇《多功能老婆》同黃浩然再合作,兩人02年同03年分別喺《新紮師妹》系列兩部電影中飾演「方麗娟」同「劍雄」,由於事前保密功夫做到足,黃浩然話好surprise:「不過之前知道我個角色名叫劍雄,都有諗過可能係千嬅做女主角。」而楊千嬅就笑言有做「秘撈」嘅感覺:「唔知點解要咁秘密,丁生 (老公丁子高) 要好似做特務咁幫我去傾!」

撰文:東方新地|圖片:新傳媒圖片庫、楊千嬅IG

楊千嬅 押後追B

今次楊千嬅再拍TVB劇,拍檔有周柏豪、黃錦燊、陳煒、黃浩然、袁文傑、洪永城、朱晨麗等,佢話:「舊年12月中我開演唱會嗰陣,Sandy姐(余詠珊)打畀丁生,話陳寶華 (《多功能老婆》監製) 想搵我拍劇,仲話覺得個角色好似我!」

楊千嬅
楊千嬅
「方麗娟」楊千嬅同「劍雄」黃浩然繼03年《新紮師妹2美麗任務》後再合作,喺新劇做夫妻。
楊千嬅
楊千嬅
劇集除咗楊千嬅同黃浩然,仲有周柏豪做主角。

楊千嬅仲話為咗今次拍劇要押後追B嘅大計:「不過套劇喺暑假先開工,基本上對家庭冇咁大影響,中間都有時間休息,唔會好似以前咁chur!」

楊千嬅
楊千嬅
監製陳寶華曾經編寫過《真情》同《十月初五的月光》等劇。
吳若希 楊千嬅
吳若希 楊千嬅
吳若希去年生女後首次拍劇,飾演周柏豪女友。
洪永城 朱晨麗 楊千嬅
洪永城 朱晨麗 楊千嬅
洪永城就演富二代,同演空姐嘅朱晨麗做夫妻。

多演活潑角色

楊千嬅入行23年,拍過唔少無綫劇,包括97年嘅《隱形怪傑》、《美味天王》,以及98年嘅《外父唔怕做》等,當年活潑又青澀嘅模樣,令觀眾留下深刻印象。

1997年《隱形怪傑》

楊千嬅飾演區珊珊,性格佻皮活潑,精靈可愛,口甜舌滑,最擅長向父兄撒嬌,為人數口精明,賺錢至上,頗有生意頭腦,懂得把握時機,是進取型的少女。同劇仲有林家棟、林保怡、陳妙瑛等。

楊千嬅
楊千嬅
劇中楊千嬅演林家棟細妹,同梁漢文係男女朋友。

1997年《美味天王》

《美味天王》主角係歐陽震華、關詠荷、宣萱、古天樂同張可頤,楊千嬅演古天樂前女友,戲份不多。

楊千嬅
楊千嬅
劇中楊千嬅同古天樂拍拖,後分手。
楊千嬅
楊千嬅
之後古天樂同張可頤成為一對。

1998年《外父唔怕做》

由楊千嬅、張家輝、秦沛、苑瓊丹主演,最高收視有成38點,有成187萬睇㗎!成為1999年無線電視劇集收視第8位(當年《狀王宋世傑−貳》排首位有42點 )!千嬅仲唱埋主題曲〈讓我飛〉!

楊千嬅
楊千嬅
劇中楊千嬅同張家輝做夫妻,秦沛係外父,楊千嬅同秦沛去年喺電影《春嬌救志明》再合作演父女。
楊千嬅
楊千嬅
當年楊千嬅仲唱埋劇集主題曲。

2001年《美味情緣》

由陳慧珊、吳啟華、林峯、楊千嬅主演,千嬅仲包辦唱主題曲〈美味情緣〉同插曲〈快樂與哀愁〉,最高收視有43點,有203萬人睇!

楊千嬅
楊千嬅
2001年無線電視劇集收視第6位 (當年《尋秦記》排首位) 楊千嬅同拍檔林峯仲憑呢套劇獲提名2001年度萬千星輝賀台慶「本年度我最喜愛的拍檔(戲劇組)」,但就未有獲奬!
楊千嬅
楊千嬅
楊千嬅劇中演海鮮酒家侍應,同林峯拍拖。

2007年《森之愛情》

楊千嬅話自己對上一次拍無綫劇已經係01年同林峯拍嘅《美味情緣》,但其實之後楊千嬅都有拍過TVB劇㗎!不過就係單元劇同客串演出。好似在《森之愛情》曾經同森美、小儀合作,喺第10集「天使夢」中千嬅飾演Nicole,套劇係改編自商台同名廣播劇的青春偶像單元劇,逢星期日晚出街。

楊千嬅
楊千嬅
劇中楊千嬅自稱有夢遊症;但根據現實世界嘅心理學,診斷佢嘅症狀係患有解離症。

楊千嬅
楊千嬅

楊千嬅
楊千嬅

0
0

2006年《老馮日記》(客串) 、2009年《廉政行動》(客串)

06年楊千嬅客串過馮德倫自編自導自演嘅處境喜劇《老馮日記》,之後tvb同廉政公署合作拍攝嘅《廉政行動2009》,千嬅也有份客串演出,扮演廉政公署總調查主任。

楊千嬅
楊千嬅
楊千嬅曾在《廉政行動2009》客串飾演廉政公署總調查主任。

姚子羚認分訊 胡說八道姊妹陪療傷

黎明新寵曝光 直擊女助手返黎宅

關注我們Facebook專頁
    相關新聞
      更多瀏覽