湯洛雯與羅天宇分手四個月 第三者原來係…
2018年03月09日14:52

娛樂圈出現分手潮?繼日前姚子羚宣布同鄭子邦分手後,表面上一直sweet到爆的湯洛雯同羅天宇,原來已經分手四個月!羅天宇表示兩人係和平分手,再見亦是朋友,不過佢就被爆已經火速撻著另一大台小花陳瀅!係分手前定分手後的事,咁就唔知啦…

延伸閱讀:

余文樂 新婚3個月 冷待孕妻

TVB洩密漏喜訊 湯盈盈再懷孕陀第三胎

湯洛雯羅天宇《愛.回家》擦出愛火

湯洛雯首次演出的劇集《愛・回家》,當中佢飾演思思一角深受觀眾歡迎,清純鄰家女孩形象相信大家都仲記得。而靚湯亦因為此劇與飾演馬子仁的羅天宇傳出緋聞。雖然二人並冇正式承認,並一直聲稱了解中,但大家早已認定佢哋係一對!

湯洛雯
湯洛雯
湯洛雯與羅天宇
湯洛雯
湯洛雯
湯洛雯與羅天宇

0
0

堅稱「了解中」

靚湯與羅天宇一直了解中,期間多次被被傳媒拍到佢哋睇戲約會。雖然羅天宇有個外號叫「女神殺手」,但「靚湯」看來沒有介意,更力撐羅天宇好仔!事關有報道指,羅天宇已經見過女方家長,而「靚湯」大讚羅天宇專一好仔,看來二人發展十分穩定。

湯洛雯吻賀壽星仔羅天宇

去年10月1日係羅天宇30歲生日,男人三十而立當然要好好慶祝,邀請多位圈中好友如陳瀅、劉佩玥及何廣沛等在其紅磡寓所開P。其中靚湯以女主人身分企正壽星仔身旁影相,連靚湯妹妹Cassandre亦有現身,可見兩家人關係融洽。而重點係,慶祝到興起之際,靚湯為捧著蛋糕的羅天宇送上深情一吻,冧爆一幕被拍下在網上流傳,男粉絲們真係心碎了!

湯洛雯認與羅天宇發展中

其後靚湯被問到與羅天宇開P時咀嘴,係咪正式公開戀情?靚湯表示「冇話公唔公開嘅」,因為早幾日已同大家講係發展中,而當日開P咁開心,所以就俾個Kiss對方,靚湯仲話其實好尷尬!

另外靚湯又強調兩人係啱啱開始發展,未去到談婚適嫁、見家長的階段,所以兩人都希望保持低調,等更穩定後、有結婚念頭後先公開。不過佢哋現時未有呢個打算,都係以工作為先!

湯洛雯與羅天宇分手四個月

不過唔知最近娛樂圈係咪有分手潮,繼姚子羚與男友分手後,原來表面上一直好sweet的湯洛雯同羅天宇都已經分手約四個月!羅天宇接受傳媒訪問時表示兩人係和平分手,分開後仍然有繼續聯絡同關心對方,希望大家俾啲空間佢哋。

“She took a deep breathe, and let it go.”

A post shared by R O X A N N E 湯 洛 雯 (@roxannetong) on Feb 20, 2018 at 3:33pm PST

羅天宇火速撻著陳瀅

雖然有指湯洛雯同羅天宇近半年無數次合合分分,經常嗌交,所以最終決定分開。不過事情似乎唔係咁簡單,因為據知有樣(ok啦)有家底的羅天宇近日俾鍾意同有錢人做朋友的陳瀅睇中,兩個人行得好埋,成日見面,唔知係咩關係啦!

陳瀅早前喺大排檔拍「挑戰發呆1分鐘」影片時,據知唔少人都見到羅天宇亦在場,新歡舊愛都係粉絲萬千的靚爆女神,羅天宇真係唔簡單呀!羅天宇亦有對此回應,稱其實當日係一班人食飯,仲話唔好意思累咗陳瀅喎…

講返陳瀅,唔少人覺得佢靚女得嚟又唔係一般大眾臉,反而有一種奸奸哋、姣姣哋嘅感覺,更令人欲罷不能;另外身材好得嚟又唔係四肢勁纖細,而係較圓潤、有肉地,正呀!

泳裝女皇

現年27歲嘅陳瀅有樣有身材,鬼妹仔性格夠晒豪爽,泳衣照當然少不了!

半透明的舞孃

陳瀅鍾意哂Body唔係咩新鮮事,早喺寫真集《半透明的舞孃》入面,佢就已經影過半裸照,只遮三點,勁大膽!

呢張經典照又點少得?

陳瀅話朱晨麗「係雞係公廁」?

黎明新寵曝光 直擊女助手返黎宅

延伸閱讀:

周海媚索爆寫真圖輯 51歲海味:要做個優雅老太婆

關注我們Facebook專頁
    相關新聞
      更多瀏覽