余文樂 新婚3個月 冷待孕妻
2018年03月09日14:50

36歲余文樂去年12月閃娶台灣「皮帶大王千金」王棠云(Sarah),在澳洲墨爾本行完婚禮才公布婚訊,咁急結婚,原來因為王棠云陀住樂B雙喜臨門。眨眼樂嫂已陀B 6個月,余文樂快將做老竇,但少爺性格依然無變,對住大肚老婆毫不體貼,搞到樂嫂不停向好友訴苦指老公唔細心;日前余文樂同老婆外出撐枱腳,全程只顧低頭玩手機,當老婆透明一樣,慘被冷落的樂嫂即使乸埋塊面,余文樂仍全不在意;更離譜到對住大肚老婆食煙,令粗身大細嘅老婆硬食佢二手煙,唔顧大都要顧吓個細,余文樂真係要好好反省!

撰文:東方新地|圖片來源:新傳媒圖片庫、余文樂IG王棠云IG

延伸閱讀:

湯洛雯與羅天宇分手四個月 第三者原來係…

TVB洩密漏喜訊 湯盈盈再懷孕陀第三胎

余文樂 要老婆服侍

余文樂同台灣「皮帶大王千金」王棠云拍拖不足一年閃婚,男神封盤,唔少人羨慕王棠云成功箍實爛玩的余文樂,不過,原來新婚才三個月,不但熱情、浪漫不再,余文樂更不時冷待嬌妻,令陀住樂B的樂嫂一肚氣,不停搵好姊妹訴苦。

余文樂
余文樂
去年12月5日,余文樂同王棠云在澳洲墨爾本舉行婚禮,完婚才將婚事公告天下。
余文樂
余文樂
樂嫂日前飛到台灣探家人,之後由家姐陪同返港,當時著住鬆身裙的她,已經腰粗肚圓。
余文樂
余文樂
早前本刊拍到余文樂同王棠云去中環食飯,未入餐廳食嘢,余文樂先要食煙提神,仲直接喺已經陀B嘅王棠云身旁點煙,變相逼老婆食佢二手煙。

樂嫂一肚氣

據Sarah(王棠云)好友透露:「Sarah自細屋企人已經當佢公主咁,樣樣照顧周到,直至出嚟做Model,Sarah先開始獨立,但自從同咗樂仔一齊,佢改變好多,為咗氹男友,唔單止學煮飯煲湯,又學埋整蛋糕甜品,經常製造驚喜畀樂仔,樂仔拍拖時不時飛去台灣製造驚喜畀Sarah,但冇諗過結咗婚之後,樂仔成日掛住打機,乜都等人服侍,拍拖時嘅溫柔體貼都冇晒,話咁快變成老夫老妻冇晒火花!」

余文樂
余文樂
余文樂同老婆Sarah到灣仔星街吃麵,仍然係新婚的余文樂就相當大男人,冇照顧老婆之餘,更只顧玩手機,成餐飯冇放低過手機。
余文樂
余文樂
余文樂只顧玩手機,反而要大肚老婆服侍夾麵。王棠云塊面愈來愈黑,但樂仔仲係冇反應,似乎打機重要過一切!
余文樂
余文樂
離開餐廳見到記者,拖實老婆的余文樂即時笑晒口,展示同老婆恩愛 一面。

情緒起伏大

由於家人全在台灣,婚後移居香港生活的樂嫂,自然乜都依賴老公。知情人士透露:「陀住BB,梗想老公呵護自己多啲,而且Sarah屋企人、朋友全部喺晒台灣,大肚婆情緒又容易起伏,特別需要人關心,但樂仔仲未定性,好多時仲要Sarah反過嚟照顧番佢!好多細微嘢都唔識做,Sarah梗係唔開心啦!」

余文樂
余文樂
落起毛毛雨,王棠云索性笠住衞衣頂帽遮雨粉,余文樂原本想去後巷的精品小店睇嘢,可惜店舖閂晒門,二人只好行去攞車走人。
余文樂
余文樂
平時唔夠體貼嘅余文樂於情人節都仲識得訂紮花畀老婆,老婆冧到要po出來放 閃,女人就係咁易氹,余文樂識做啦!
余文樂
余文樂
陀B 6個月的樂嫂日前將長髮剪短,自稱自小學四年級後從未剪短髮嘅樂嫂,忍痛剪掉一把長髮,無非唔想同肚中BB搶營 養,以及坐月時方便打理。余文樂仲留言 話:「我喜歡短髮!」出口術冧老婆。

樂嫂唔快樂

本刊連日來追訪發現,余文樂放假都會陪老婆外出吃飯,現場所見,新婚才三個月,余文樂已經冇戴婚戒,唔似老婆咁珍而重之婚戒不離手,而兩人撐枱腳期間更全無交流,余文樂點完菜已低頭玩手機,食物上枱,都要老婆服侍夾麵,完全冇照顧老婆意思,新婚甜蜜欠奉!話晒大肚婆唔可以動胎氣,余文樂偏偏搞到老婆黑面開餐,真係食咗都唔長肉啦。而明知老婆陀B,本刊更發現他對住老婆照吸煙,變相逼老婆同肚裡BB吃他的二手煙,如此唔體貼老公實在少有。

余文樂
余文樂
日前余文樂同Sarah同朋友到跑馬地醫肚,離開餐廳時,余文樂掛住同友人傾偈,行得好急,搞到身後的老婆要快步跟貼佢,肚凸凸嘅樂嫂再次被老公冷落,而余文樂左手無名指未有戴上婚戒。
余文樂
余文樂
終於識得拖番住老婆行,不過余文樂仍然掛住同老友傾偈,樂嫂無癮,一臉悶悶不樂。
余文樂
余文樂
余文樂日前唔使開工就陪老婆去跑馬地同友人食日本菜,離開餐廳遇到記者,被問到老婆適唔適應香港生活,樂仔仲肯答:「OK啦!」但被問到老婆係咪喺香港生BB?以及鍾意仔定女?他就立即封嘴,更拖實老婆急急腳走人。

有咗先結婚

先後同過黃伊汶吳雨霏拍拖,有傳因偷食及貪玩弄致分手收場,兩個前度最終搵到當自己如珠如寶的另一半,偏偏余文樂有過失敗經驗仍未汲取教訓,仲未明白女人係要錫,今次肯結婚定落嚟,亦只因王棠云突然有咗。據知情者透露:「樂仔根本冇諗過咁早結婚,佢成日覺得男人四十幾歲結婚都唔遲,樂媽知佢唔逼得,加上佢阿哥細妹都有小朋友,所以都冇特別催佢,只不過Sarah突然有咗,樂媽都想快啲飲呢杯新抱茶,要佢快啲娶人入門。」難得娶到又靚又肯同你生B嘅好老婆,余文樂要好好珍惜,學吓錫老婆至得㗎!

余文樂
余文樂
由於阿嫂啱啱生咗BB,當日余文樂就同老婆及友人行去養和探B。清楚 可見,樂嫂珍而重之戴上婚戒,而余文樂就⋯⋯。
余文樂
余文樂
余文樂同家人感情要好,早前就同阿哥細妹全家與友人開P,見他面上燦爛笑容,就知佢有幾開心。
余文樂
余文樂
預產期在六月,樂嫂抱住人哋個B已經母愛氾濫,手勢更非常純熟。

姚子羚回歸單身 37歲索爆「表哥」重新上市

阮政峰憑《開心速遞》彈起 原來係首代「蔥蔥」!

延伸閱讀:

周海媚索爆寫真圖輯 51歲海味:要做個優雅老太婆

關注我們Facebook專頁
    相關新聞
      更多瀏覽