【出街搵食】元朗圍村雞煲 鮮雞x膏蟹 加酒放火提香|元朗雞煲|
2018年03月06日18:04

雞煲開得成行成市, 很難突圍而出。偏偏在元朗南邊圍村的這一個雞煲,家庭式經營衝出重圍,口碑好得連新加坡人也遠渡而來幫襯,價錢也不便宜,一個雞煲索價$468起,究竟魅力何在?

撰文:Moyin 攝影:Fion

延伸閱讀:

日本直送!師傅推介今季必食最鮮 日本水產 @Dining娜

【懶人廚房】低脂奶變茅屋芝士! 蜂蜜芝士水果三文治+日本大熱暖身甘酒牛奶|懶人廚房|

取經自順德雞煲

原來這是改良版的順德雞煲,加入了甘蔗、蟲草花等材料提鮮,再用上新鮮的本地雞、生猛海鮮、鮮牛肉及豬膶等。最吸引的是在夜裡,每枱雞煲上桌時都會升起火焰,食客無不嘩聲四起,爭相拍照。原來雞煲一滴水也不會加,只會加入九江雙蒸,燒著雞煲揮發酒精後,剩下的盡是海鮮及鮮雞的精華。

元朗 雞煲 雞蟹煲
元朗 雞煲 雞蟹煲
榕記火焰雞煲$468(2-3位用),另加膏蟹約$168/隻

雞肉嫩滑,加上清甜的甘蔗及馬蹄,配上花甲、鮮蝦、膏蟹汁,鮮味豐富。

0
0
加入九江雙蒸後點火,吐出火焰很有氣勢。
雞肉爽滑,雞味濃,吃得出是新鮮雞。
膏蟹也揀手,蟹身、蟹蓋塞滿軟硬膏。

親自到街巿入貨 買鮮雞+揀手靚海鮮

以雞煲做招牌,食材就一絲不苟,所有材料均由店主陳太及兒子阿聰每天到元朗大橋及合益街市選購,細心地挑選新鮮貨,必選本地雞檔買來的即劏鮮雞,海鮮更是款款揀過,唔靚唔買。

上至海鮮、鮮雞,下至菜蔬,陳太都親自到街市選購。
雞煲用上每日街市買來的新鮮本地雞,鮮味絕非冰鮮雞可比擬!
鮮雞都會在開舖前略醃,因吃其原味,不會過分調味。
炮製雞煲時會加入甘蔗,較平日燥熱的火鍋為清潤。
花膠
花膠
也可以隨個人喜愛,著老闆加料升級,之前就有人客要求加入花膠,炮製花膠雞煲。

吃完雞煲 變炒飯盡吸精華

吃完雞煲後,湯汁可以加入白飯炒香,無論吃得多飽也會把飯吃個清光。

吃完雞煲後, 可加飯炒香,飯粒盡吸海鮮、雞汁的精華,儼如意大利飯。
膏蟹 約$168/隻

陳太教落,想雞煲更加鮮味,識食一定要加膏蟹。生猛新鮮,肉質結實,蟹膏爆棚!

只接受預訂!

想吃記著要預訂,更可以預訂花膠、鮑魚、奄仔等配料做一品鍋,為了保持雞煲的質素,店子不接受Walk-in的客人,小心摸門釘。

肥牛 $248/磅

安格斯肥牛雪花均勻,牛味濃郁,牛油甘香,配上富海鮮味的湯汁,一流!

象拔蚌
象拔蚌
象拔蚌 約$25-29/隻

象拔蚌也高質,大隻新鮮,十分鮮甜。

蟶子
蟶子
蟶子 約$30/隻

每隻都長過手掌,爽口有鮮味。

家庭式經營

原來店主陳生、陳太在旅行時吃過順德的火焰雞煲,回港後念念不忘,索性自家製這個改良版的順德雞煲,還開設私房菜來賣,一家大細在元朗賣雞煲。

爸爸陳生、媽媽陳太、阿聰(由左至右)

90後的阿聰和家人一起創業,在圍村賣雞煲, 由每月賣30多煲, 經食客口耳相傳後,變成月賣超過400煲。

家庭式經營,老闆更易和客人打成一片,有講有笑,非常熱鬧!

榕記火焰雞煲私房菜

地址:元朗南邊圍南門1巷1號地舖(顯示地圖

電話:5395 7723

營業時間:星期二至日6pm-12mn(星期一休息)

平均消費:$250/位

備註:只收現金,不設加一;雞煲、火鍋配料如肥牛、海鮮等均須電話預訂。

延伸閱讀:

【邊間最好食】Top20 人氣日本杯麵 ! 超市工廈雜貨店網店比拼|記者試食|

關注我們Facebook專頁
    相關新聞
      更多瀏覽