「生蛇」痛到似針拮 蕭正楠拍《翻生武林》焗停廠
2018年03月05日20:55

香港人工作繁忙生活忙碌,尤其是名人明星,工作不定時壓力又大,免疫力容易變差,一個唔覺意隨時「生蛇」(醫學上稱帶狀疱疹感染)!好似蕭正楠咁,原來佢早年拍《翻生武林》期間不幸「生蛇」,最初有啲痕,之後就愈來愈痛,痛到似畀針拮咁!而陳慧琳、林保怡同顏卓靈也曾深受其害, 除了會紅腫爛肉嚇親人,又要食抗病毒藥控制。如果病情嚴重,分分鐘會眼盲或耳聾,唔講得笑!

撰文:東方新地

延伸閱讀:

洪朝豐患舌癌 頸部泛紅跟好友敍舊

《周遊東京》周奕瑋 7大優點完勝杜如風

蕭正楠 生蛇痛到停工

蕭正楠當年趕拍《翻生武林》嘅同時,又要為《巨輪II》宣傳,太忙長期唔夠瞓下搞到抵抗力下降,成個背脊生晒蛇!蕭正楠話當時背脊有啲痛,隔兩日仲愈生愈多,要食抗生素控制,而且拍攝時要就住傷口,否則一掂到就會痛!甚少請假的蕭正楠曾經痛到要停廠一晚休息,難怪女友黃翠如都大感心痛﹐除咗介紹醫生畀男友,翠如媽咪仲煲埋愛心蟲草湯畀未來女婿飲!

生蛇
生蛇
蕭正楠當年拍翻生武林期間「生蛇」,佢仲自拍分享!
生蛇
生蛇
蕭正楠當年拍《翻生武林》期間「生蛇」!
生蛇
生蛇
咪睇蕭正楠大大隻咁健碩,當年拍《翻生武林》期間「生蛇」!

生蛇
生蛇
蕭正楠「生蛇」期間,幸有翠如照顧,翠如媽仲煲湯畀佢飲㖭!

陳慧琳生蛇 右手花晒

其實唔少藝人都試過「生蛇」,好似陳慧琳Kelly喺14年自爆「生蛇」,佢話因為細個曾經生過水痘,體內剩番少少菌引致「生蛇」。當時右手手心同右臂都有大大笪紅印,嚇到坐隔離嘅古天樂即刻彈開!

生蛇
生蛇
靚媽Kelly都試過生蛇!
生蛇
生蛇
難得Kelly「生蛇」仲笑得出!

陳慧琳話佢黐晒膠布,在家中亦會着長袖衫,所以肯定唔會傳染俾老公同兩個囝囝喎!

生蛇
生蛇
睇真啲,Kelly生蛇唔算嚴重,但玉手一撻撻紅印!
生蛇
生蛇
古仔見到Kelly生蛇,嚇到彈開!

顏卓靈生蛇 背脊留疤

年僅22歲的顏卓靈,當年日忙夜忙宣傳電影《狂舞派》,同時亦要應付考慮,結果壓力爆煲。當時Cherry背脊又痕又痛,以為只係只係皮膚敏感,自把自為搽類固醇,反而令病情惡化,現時背脊仍留有疤痕,着露背裝都要用厚粉遮住!

生蛇
生蛇
顏卓靈原來都試過生蛇!
生蛇
生蛇
顏卓靈早年生蛇,但現時背脊仍留有疤痕,着露背裝都要用厚粉遮住!

林保怡「蛇粒」纏腰

10年時,林保怡自爆腰間突然生了一堆粒粒,初時以為被蝨咬,但試過各種止痕方法都冇用,過一排更開始痛,粒粒仲生到去身前。當時同林保怡一齊拍電視劇《讀心神探》的田蕊妮都見過對方有幾痛苦,好彩最後食藥可以控制到,大約兩至三個星期即完全康復!

生蛇
生蛇
林保怡拍電視劇《讀心神探》 期間生蛇!
生蛇
生蛇
林保怡話最初生蛇以為被蝨咬,幸好未有掉以輕心!

簡淑兒拒發誓粉碎整容傳聞:只係妝容與角度唔同!

簡淑兒愈大愈靚 六年進化史重溫

延伸閱讀:

過大禮做到足 雨僑父母畀羅力威100分

關注我們Facebook專頁
    相關新聞
      更多瀏覽