比利時美食之旅 歎住啤酒食盡地道菜@Travel佳
2018年02月27日16:00

(Presented by國泰航空)

選擇去西歐旅行嘅你,相信比利時一定係你嘅旅程必經之地!除咗必到撤尿小童(Manneken Pis)、布魯塞爾大廣場(Grand Place)等聞名景點之外,身為一個食勻各國美食嘅吃貨可以話你知,比利時美食絕對可以為你帶嚟豐富嘅味覺享受!所以今次決定同大家數盡3大比利時地道菜式必食推介,等你一路歎住當地靚酒,一路食遍比利時!

延伸閱讀:

【預訂酒店網】拆解暗藏陷阱 5大最平訂房攻略

10大日本旅遊禁忌|遊日一定要知!

比利時美食第一撃:過千種比利時啤酒任你揀!

咁多款啤酒應該點揀?首選必飲修道院啤酒!由僧人於修道院釀製,產量少,尤其推薦St. Feuillien啤酒,口感醇厚,後勁帶有淡淡焦糖味,感覺十分回味。除此之外,當地嘅啤酒品牌除咗特別推出專用杯之外,杯上仲會印上別出心裁嘅訊息,就好似Hemels Schenk Rituel就會喺杯度印埋45度嘅圖案,提醒你倒酒時要將個杯呈45度角,夠晒貼心,令你擁有與眾不同嘅啤酒享受!

St. Feuillien啤酒帶有淡淡焦糖味,女生亦可一試!
布魯日嘅手工啤酒Brugse Zot,飲落散發陣陣蜜香味!
Pauwel Kwak聞起嚟有蜂蜜嘅香氣,入口有淡淡嘅啤酒花味;配上獨特嘅專用酒杯同木架,別有一番風味。
留意返,個杯度印咗45度嘅圖案㗎!

比利時美食第二撃:冇食過青口唔算去過比利時!

最出名嘅比利時美食 — 藍青口薯條餐廳莫過於百年老店Chez Leon!除咗傳統嘅白酒青口鍋之外,仲有其他口味選擇!要食得夠地道,仲可以用青口殼代替湯匙夾起青口肉和舀湯;啤酒代替白酒嚟配青口食,別具風味!除此之外,生蠔、龍蝦等時令海鮮亦是必食之選,配埋啤酒嚟食,一絕!

想食當地最正宗嘅青口菜式,一定揀Moules Frites(青口配薯條)!
青口意粉都夠晒啖啖肉!
生蠔
龍蝦

比利時美食第三撃:朱古力、窩夫、薯條等小食絕不可以錯過!

除咗啤酒、青口,比利時特產又點少得朱古力、窩夫同薯條!比利時朱古力之所以咁出名,全因Pralines(夾心朱古力),食落甜而不膩,而且由堅果同榛果蓉整成,一咬帶比你多重口感!而薯條必然係比利時人嘅驕傲,經2次高溫油炸,炸成金黃色,外脆內軟嘅口惑!最後食埋Liege waffle,為一日嘅比利時美食之旅做個完美總結!

配上士多啤梨、雪糕,女生一定鍾意!
糖漬橙片朱古力,濃烈嘅橙甘香配上朱古力,甜而不膩,口感清爽。
隨處都可以見到Pralines嘅跡影!
行到邊都可以見到無論當地人/遊客食緊國民最愛嘅薯條!

打破轉機惡耗去比利時有直航喇!

去長途旅行,如果有得揀,一定揀坐直航!慳出嚟嘅時間可以拎嚟玩之餘,仲唔駛因為第一班機delay而轉唔到機!之前如果想去比利時就話冇得揀一定要轉機姐,但原來國泰航空將會加入全新直航航線去布魯塞爾,提供每周四班往來香港及布魯塞爾嘅直航服務,用上A350客機,嚟緊3月25日啟航喇!

更多詳情,即上:https://goo.gl/DXbMKo

延伸閱讀:

旅行避免做的10件事 | 別讓旅程充滿遺憾!

關注我們Facebook專頁
    相關新聞
      更多瀏覽