克勤孖妻兒歡度兩個年初一
2018年02月22日03:00
克勤拉斯維加斯開騷,帶來連串經典歌舞。

【星島日報報道】李克勤今個農曆年帶同老婆盧淑儀及兩位「小老闆」乖仔到美國歡度新歲,事緣他今個新春在拉斯維加斯舉行《李克勤慶祝成立三十周年世界巡迴演唱會》,基於時差,令他人生第一次連續歡度兩個大年初一!

李克勤謂人生第一次得到兩個大年初一,他先在香港年初一與家人拜過年,然後上機飛往拉斯維加斯登台開騷,因為時差關係,抵達當地時又再過一個美國的年初一!適逢農曆新年開騷,克勤笑言收利是收到手軟:「初二、初三做兩場騷,冇諗過觀眾咁熱情同咁厚愛,兩晚剩係收觀眾利是都收到手軟,真係多謝大家派利是畀我,滿滿祝福,仲有歌迷送美金銀紙花畀我,真係保家宅、保平安,收收埋埋都夠我啲仔一、兩個月學費㗎!非常感謝!」

做完兩場騷之後,克勤就由歌手變返廿四孝老竇,為囝囝撲飛睇Bruno Mars演出,原來克勤兩個囝囝都是Bruno Mars粉絲,克勤笑言:「好彩有貴人幫手撲到靚位飛,兩個仔睇得好開心,我就覺得有小小失望,佢冇唱《Versace on the floor》,我好鍾意呢首歌。但係佢跳同唱都無得頂,講野非常幽默,可以喺佢來香港做騷之前先睹為快都係開心。」完成拉斯維加斯的工作,克勤繼續陪家人去玩:「兩個仔未開學,所以都計畫再帶佢哋去多個旅行,玩多幾日先返香港。」

關注我們Facebook專頁
    相關新聞
      更多瀏覽