儲利是錢 8大兒童戶口開戶優惠 邊間最著數
2018年02月22日17:07

文:浩德

放完農曆年假,小朋友的利是收入相信進賬不少,細細個阿媽成日都話:「等阿媽幫你儲起佢先!」通常儲儲下就無咗影架喇。

嚟到新一代嘅父母,好多都唔想將自己小時候受過嘅「傷心事」延續落下一代,所以都真係會幫子女儲起佢,留嚟畀佢哋作為教育基金。當小朋友日漸長大,同時又可以順勢教佢哋正確嘅理財觀念,培養良好嘅儲蓄習慣。趁農曆年假過後,不妨幫小朋友開返個兒童戶口。

延伸閱讀:

債災傷過股災 華爾街財神慘敗實錄

$10萬購入智能售賣機 小本創業好唔好

今次搜羅多家銀行的兒童戶口資料,一次過為大家列出各大銀行兒童儲蓄戶口嘅相關條款:

東亞銀行「理財小博士」

東亞銀行的「理財小博士」兒童戶口,是眾多兒童戶口中的開戶門檻相最低的一個,只要HK$10即可開戶,18歲以下兒童可申請。由即日起至2018年7月31日,若是指定綜合戶口客戶家長,為其子女開立全新理財小博士儲蓄賬戶,而開戶金額達HK$5,000或以上,其子女可獲迎新獎賞最高HK$200。

創興銀行「i-kid儲蓄戶口」

i-kid儲蓄戶口適用於17歲以下客戶或父母為其11歲以下子女開戶,只需HK$100即可開戶,亦不設最低結餘手續費,利息方面則根據存款而家,沒有限制。暫時未有迎新優惠推廣。

滙豐銀行兒童儲蓄戶口

滙豐銀行的兒童儲蓄戶口最低開戶金額為HK$300,開戶的年齡限制為11歲以下,若3個月內取消戶口,需付HK$50手續費。此戶口不設最低結餘限制,暫時亦未有迎新優惠推廣。

中國銀行「孩子天」儲蓄帳戶

「孩子天」儲蓄帳戶適用於11歲以下兒童,開戶只需HK$500,並不設最低結餘限制。「孩子天」儲蓄賬戶備有設計精美的專用存摺簿,增加小朋友對儲蓄嘅興趣。此戶口暫時未有迎新優惠推廣。

大新銀行「Thomas & Friends」或「Doraemon」兒童儲蓄戶口

鍾意「Thomas & Friends」或「Doraemon」嘅小朋友,相信會被大新銀行設計可愛嘅存摺薄同存款卡吸引,小朋友更可選擇將自己的相片印在存款卡面上。最低開戶金額只須HK$500,適合18歲以下兒童申請。由即日起至 2018年3月31日,客戶提供有效電郵地址予銀行將可享開戶即送Thomas & Friends精美禮品乙份;另家長成為理財客戶及成功開戶並維持HK$30,000或以上之開戶金額於戶口內達一個月及同時成功申請指定銀行服務即可獲贈Thomas & Friends智能提款機錢箱。另開立「夢想成真」零存整付儲蓄計劃,可享1.3%年利率。

建設銀行「智Smart兒童儲蓄戶口」

智Smart兒童儲蓄戶口備有港幣及人民幣以供選擇,港幣戶口開戶最低金額為HK$1000,18歲以下兒童可申請。「智Smart兒童儲蓄戶口」最大特色係可將小朋友嘅照片印喺卡上,年費為HK$100,另家長必須係呢間銀行嘅客戶,如果係指定綜合理財客戶,更可每年更新一次兒童儲蓄戶口卡上嘅照片。

恆生銀行「智多Kid理財戶口」

為17歲以下兒童所設,開戶金額若HK$5000以下,每一個月需繳付HK$50月費。由即日起至2018年3月31日,父母成為優進理財客戶並為子女開立智多Kid理財戶口,將可獲贈限量版海洋公園威威錢罌,以及香港海洋公園優惠智紛全年入場證、園內餐廳及商店消費等低至75折優惠,卓健醫療服務低至5折優惠及理大護眼中心8折優惠。

渣打銀行「My Dream Account」

渣打「My Dream Account」的開戶門檻最高,開戶金額高達HK$10,000,否則要收取HK$120/3個月最低結餘金額服務費。渣打「My Dream Account」最吸引之處,新客同現有客戶都可申請新登場嘅迪士尼ATM卡或存款卡,另選用指定銀行服務及符合指定要求,更可獲得限量版迪士尼錢罌及香港迪士尼樂園精彩禮遇。

以上資料只供參考,最終以銀行的條款和準則作準。

考警察必睇 警隊工作多元化 警司話你知面試要求

延伸閱讀:

新居屋熱爆抽唔抽 啟朗苑凱樂苑裕泰苑優劣大解構

關注我們Facebook專頁
    相關新聞
      更多瀏覽