走出小產傷痛 31歲吳雨霏 宣布懷孕5個月
2018年02月12日14:04

31歲吳雨霏(Kary)前年曾經小產,幸好有老公洪立熙(Brian)在身邊扶持,走出傷痛,而日前有傳Kary懷孕3個幾月,暫停出席所有活動,因為要專心養胎,不過當時Kary冇回應,直至今日終於宣佈懷孕5個月,恭喜Kary!

撰文:東方新地

延伸閱讀:

重登舞台 吳浩康:盡力盡情做一次

為祖藍放棄考藍帶 李亞男:婚姻就是各有犧牲

吳雨霏 宣布懷孕5個月

31歲吳雨霏(Kary)前年曾經小產,幸好有老公洪立熙(Brian)在身邊扶持,走出傷痛,日前有傳Kary懷孕3個幾月,謝絕一切活動,專心養胎,不過當時Kary冇回應,直至今日終於宣佈懷孕。Kary剛在Instagram晒出「一家三口」相,並透露已有咗五個月:「『Every good gift and every perfect gift is from above.』 – James 1:17We are very blessed and look forward to welcoming a new addition to our family. Thank you for all your warm wishes!!#5monthspregnant #bumpie #lovethisemoji 「一切美好的賞賜和各樣完美的恩賜,都是從上面、從眾光之父降下來的。」 雅各書1:17 我們要當爸爸媽媽了!謝謝大家的祝福!」

吳雨霏
吳雨霏
吳雨霏透過唱片公司回應,指收到很多朋友的短訊祝福,謝謝各位媒體朋友的愛和關心。

環球唱片:公司上下也非常開心

KarY所屬的環球唱片公司回應話:「Kary依家懷孕近5個月,佢同Brian心情都好開心好興奮!跟住這幾個月Kary會好好養胎。公司上下也非常開心,會全面配合,希望未來幾個月可以給予Kary空間好好享受這懷孕過程!昨天Kary也收到很多朋友的短訊祝福!謝謝各位媒體朋友的愛和關心。」

近照孕味濃

其實Kary近來喺IG都係放舊相居多,新相多數是上半身,而惟一一張全身相,都穿上鬆身衫,但依然見孕味!

16年曾經小產

吳雨霏(Kary)在2016年被傳小產,惟新聞爆出後Kary一路冇承認及否認,直至11月3日Kary終於在社交網站首度為事件開腔,與老公洪立熙(Brian)發表一篇長文章講述小產經過、發生不幸的事後兩夫婦如何一起走過黑暗的日子,及再期待小生命的降臨!

Miki送祝福

Kary之前小產,有傳Kary一直懷疑係好姊妹楊愛瑾(Miki)洩密,令兩人關係決裂。今次Kary傳再度懷孕,Miki連聲恭喜對方,並送上祝福!

其實Kary和Brian兩公婆都好鍾意小朋友,兩人2015年1月在美國註冊,7月意大利行禮,2016年2月成功陀B,但懷胎個多月不幸流產,令一直恨做媽媽的Kary大受打擊,一直停工休息,而Brian亦放下工作陪Kary度假散心。經過大半年休養,Kary終於收拾心情,身體已回復最佳狀態,兩公婆趁住假期飛到有蜜月聖地之稱的北海道二世古,再度開行turbo造人!

去完二世古再度蜜月,Kary繼續同老公朝夕相對,又跟老公到跑馬地一間日本餐廳撐枱腳,Kary要調理身體,食清淡的日本菜就最啱。而為生B Kary亦開始谷肥自己,叫到成枱食物,食到唔停口,身型亦唔再得棚骨,有番肉地,做足準備催孕!

食完晚飯離開餐廳去取車,雖然只是一條街之隔,但兩公婆在街頭纏綿,時而十指緊扣,時而攬到實如連體嬰,煙韌到爆!上車前Kary更忽然舞癮起,站在車邊手舞足蹈,氹到Brian即場哈哈大笑,超sweet!祝福Kary生個肥肥白白嘅BB,展開人生新一頁!

戰勝癌魔生猛出動 53歲張達明夜會嫩女

TVB上位小花真身 江嘉敏初熟水著曝光

林峯甩吳千語狂歡 超市掃貨開P

意外懷孕 41歲張新悅 宣布陀第四胎

李思捷斥爆料博上位戇居 講緊邊個?

《2018國際中華小姐競選》佳麗一覽

延伸閱讀:

曾分開三年 李亞男 愛在祖藍未紅時

關注我們Facebook專頁
    相關新聞
      更多瀏覽