曾分開三年 李亞男 愛在祖藍未紅時
2018年02月11日14:51

選完美加入無綫12年的李亞男去年離巢,首波搞作就是一口氣出兩本書,一本是和丈夫合著的長短腳之戀愛情書,李亞男早前接受本刊專訪,眼前這個高䠷氣質好連名字都man過人的李亞男其實小鳥依人到不得了,人生大事幾乎都是讓祖藍揸主意,而她也甜絲絲的笑著說:「從小就想要個大哥哥、甚麼事都能幫我揸主意。」她還娓娓道出二人的愛情故事,原來多得祖藍媽作紅娘……

撰文:東方新地

圖片:新傳媒圖片庫

延伸閱讀:

變身人妻廚神 李亞男 出書教煮上海菜

大埔公路九巴翻車 釀19死63傷

李亞男 爹哋鼓勵19歲選美

33歲的李亞男在上海出世,9歲舉家移民加拿大溫哥華,她說自己小時候被外公外婆湊大,長大則學校、教會、屋企三點連線,從來不出門、從來沒有自己的社交圈,21歲認識祖藍之前,也只交過一個男朋友:「其實拍得兩個散拖,咩都冇做過,我都唔知算唔算正式一段感情。」

李亞男
李亞男
李亞男去年離巢無綫後,首波搞作就是一口氣出兩本書,一本是和丈夫剖白兩人長短腳之戀,一本是教煮廣東湯上海菜的烹飪書。
李亞男
李亞男
從小長得高大又五官標緻,身邊Auntie年年慫恿李亞男參加選美,05年終於豁出去參選,便從溫哥華一路殺到返香港,更以大熱姿態奪冠。

李亞男 要澄清的時間線

一坐下來,其實李亞男一直高呼,要幫她澄清一下和祖藍拍拖的時間線:「好多人以為佢開始紅我至同佢一齊,其實05年我哋對大家有feel嗰陣,佢仲係兒童節目主持、仲未幫《東方之珠》郭晉安代唱、仲未演《同事三分親》個樓華。」

李亞男和王祖藍的初邂逅,就是在藝人之家。「當時大家對大家都冇感覺,淨係覺得佢細細粒幾得意。識佢以前,我鍾意嘅明星都係王力宏、黎明嗰啲⋯⋯」簡單嚟講,即是一概白馬王子型,並且高度一定要在李亞男之上,那些年,有排都未輪到王祖藍。

李亞男
李亞男
李亞男指05年開始對祖藍有feel,當時佢只係兒童節目主持。
李亞男
李亞男
生於虔誠基督徒家庭,李亞男說自己世界單純又簡單,在王祖藍之前只有一個兩個月貨仔初戀男友。

藍媽媽 推波助瀾

當時李亞男沒有考慮過王祖藍,連王祖藍後來也對李亞男承認,選美冠軍是自己能力與想像範圍之外,兩個人的關係開始起了微妙變化,多得祖藍媽媽推波助瀾。

「我記得有一次藝人之家燒嘢食,祖藍媽媽第一 眼見到我就讚我靚,跟住燒完隻雞翼又講『李小姐你好靚!』、燒完條腸又講『李小姐你好有氣質』,成晚讚完我十次八次之後,夜晚又返去同祖藍講。祖藍都話嗰晚開始留意我,然後有一次發現我個手袋隨身袋住本聖經,至真正刮目相看,覺得呢個女仔唔同其他選美出身嘅人,都幾虔誠唔係淨係追逐名利。」

王祖藍
王祖藍
祖藍爸爸在他23歲時患腸癌去世,當時祖藍仲讀緊演藝學院,由媽媽賺錢養家,祖藍對媽媽非常孝順,一有時間就陪媽媽吃飯。
李亞男
李亞男
暫停學業回港發展,未學好廣東話先與教廣東話的王祖藍撻著,李亞男話:「公司對我期望好高想我拍劇,所以我哋當時都放低咗段感情先。」

也就是那一晚以後,王祖藍開始給李亞男教廣東話。話說多才多藝的祖藍一直在藝人之家教演技、教 唱歌亦教語言,不過人人都是大班教授,唯獨李亞男一個可以特別享受一對一教學:「嗰陣時冇諗太多,依家諗番,係喎?得我一個嘅?又好似係有小小追嘅成分。跟住係佢約我去主題樂園玩,大家喺Space Moutain入面坐過山車,驚驚吓就拖咗手仔⋯⋯不過嗰次之後我哋冇即刻一齊,反而係去咗問牧師意見。」

李亞男
李亞男
李亞男與王祖藍的婚禮在主題樂園舉行,兩人第一次拖手仔,亦是在主題樂園玩過山車時發生。

冷靜期三年零四十日

李亞男說,祖藍在遇到自己以前情路上有過不少波折,並不敢貿然開始新感情,而自己則是經驗太少,不敢自己做決定:「尤其係身邊有朋友提醒我, 我一個女仔嚟到陌生地方,第一個喺身邊出現嘅任何男性都有機會被我依賴,我都怕對祖藍嘅係感動唔係感情,最後傷害咗佢。所以牧師叫我哋畀自己四十日冷靜期先,四十日之後我哋兩個喺電話分手,大家都講到喊⋯⋯其實咩都未做過、完全未開始過, 咁都一齊喊,諗番轉頭都覺得好cute。」

李亞男 王祖藍
李亞男 王祖藍
李亞男與王祖藍的身高差距,曾是兩人不敢開始的原因。

那一年不敢開始的原因,李亞男承認,其中一個顧忌的正是身高差距,兩人衡量過利害關係,始終還是怕惹人話柄。「真心嗰句,如果唔使顧及人眼光,我哋應該會更早一齊。其實自己幸福就得,又唔係犯法,事實證明,之後真係公開戀情,(身高差)都唔係寫咗好耐啫!」

李亞男 王祖藍
李亞男 王祖藍
李亞男指祖藍曾在情路上遇過不少波折,自己則是經驗太少。
李亞男
李亞男
分開嘅三年中,李亞男直認曾想喺身邊搵吓有冇其他人可以發展。

一起傳教重燃愛火

冷靜期一過就是三年,兩人因為一起到美加佈道會傳教而愛火重燃,一回港、李亞男收到第一封Email就是王祖藍徹夜趕工寫成的歌詞《墮入凡間的天使》,然後正式拍拖:「分開嗰三年,我哋真係放低咗,我甚至有睇吓身邊有冇其他人適合⋯⋯我 嗰陣時都以為係,我嘅世界可以好大,甚至喺身邊搵吓有冇其他人可以發展,不過慢慢都係發現冇人比祖藍更適合我。」

王祖藍 李亞男
王祖藍 李亞男
分開三年零四十日後,兩人重燃愛火,王祖藍更在2014年台慶上向李亞男跪地求婚,抱得美人歸。

我哋價值觀一致、好多嘢都一凹一凸,佢快我慢,佢複雜我簡單, 我鍾意飲紅酒佢鍾意飲朱古力奶。我自細慣咗畀人照顧,而佢係阿哥,爸爸早走十幾歲就要孭起頭家,對住屋企好有責任感,我細個好想要哥哥,佢會教我會幫我揸fit,唔好睇外形,佢內心好強大,從來唔會驚青。仲有佢好有才華,喺藝人之家教得好好,事實上係可以做教授嘅人,畢業咁多年好多嘢依家都仲可以拋書包,同埋我最敬佩佢,係咁叻都可以好謙虛,會放低自己學新嘢,又會聽我意見 ……」講到老公,就讚到冇停口!

李亞男 王祖藍
李亞男 王祖藍
2015年情人節,兩人在迪士尼舉行童話婚禮。

李亞男
李亞男
李亞男原本鍾意嘅明星係王力宏、黎明等靚仔男神,同祖藍外形相距甚遠。

王祖藍
王祖藍
長註內地工作賺人仔,王祖藍唔想長期凋低老婆,唔少工作都會預埋李亞男一份,夫妻檔工作爭取見面時間。

戰勝癌魔生猛出動 53歲張達明夜會嫩女

TVB上位小花真身 江嘉敏初熟水著曝光

林峯甩吳千語狂歡 超市掃貨開P

意外懷孕 41歲張新悅 宣布陀第四胎

李思捷斥爆料博上位戇居 講緊邊個?

《2018國際中華小姐競選》佳麗一覽

延伸閱讀:

邊個好戲啲?AV蔡思貝你睇過未!

關注我們Facebook專頁
    相關新聞
      更多瀏覽