【7分鐘講唔完】眾星客串新片 子華神:多謝嚟拯救票房毒藥
2018年02月10日07:00

黃子華同佘詩曼主演嘅賀歲片《棟篤特工》下星期就上映,子華飾演嘅多情特工「Mr.Chan」,一生之中「hurt」過無數女人!

今次《棟篤特工》,有唔少明星客串,當中包括許冠文、張智霖、蔡少芬、鄭丹瑞、鄭中基同草蜢等等,而最新嘅宣傳片入面,更有周秀娜、胡杏兒、陳慧珊、廖碧兒、陳法蓉、雨僑,同10歲嘅譚芷昀扮畀佢「hurt」過!

咁多人「俾面」子華神,佢都無言感激,仲拍咗一條7分鐘嘅片多謝大家:「呢套《棟篤特工》係破咗我人生記錄,我係從來冇試過一次過欠咁多人欠咁多嘢,今日喺度畀啲耐性,容許我一次過多謝番咁多位幫過忙嘅朋友,無償、衷心嚟拯救我呢個票房毒藥嘅朋友!」

子華講足7分鐘,但仍然講唔完:「我一定漏講咗啲人,我漏講咗嘅希望多多包涵......真係講唔到咁多,首映見,各位。多謝晒。」

關注我們Facebook專頁
    相關新聞
      更多瀏覽