《平安谷》大結局預告 婦女聯盟抗爭成功 黃浩然會死?
2018年02月09日18:45

《 平安谷之詭谷傳說 》獲觀眾一致讚好,今晚終於來到大結局,究竟被徐榮等一眾山賊入侵的平安谷,村民們究竟能否擊退外敵?黃浩然係咪真係會死?而一班長久抗爭的婦女們最後會點?依家先睹為快!

延伸閱讀:

周潤發、周星馳都做過二打六!盤點7個由茄哩啡做起的天王巨星

性在有情大結局率先爆

《平安谷》大結局預告

昨晚第19集,講到徐榮飾演的山賊帶領部下殺入平安谷,全村上下陷入做奴隸的生活,劉江與黃浩然父子慘被當眾折磨一番,女人們當然亦唔會好過!

大男人們擔水劈柴

由第一集開始已經開口埋口男人大晒的劉江及一眾叔父們,淪落到要去河邊擔水劈柴,呢個時候佢哋先明白女人平時做的大小事務係咁辛苦!所以心裏暗暗佩服。

簡淑兒坐滑翔機走佬

徐榮同山賊們盡情飲酒玩樂,陳凱琳就率領婦女跳舞,呢個時候謝東閔就趁機帶簡淑兒坐滑翔機逃走!

黃浩然會死?

而今晚大結局的重點係黃浩然,話說佢被徐榮開槍打中,雖然之後成功將子彈取出,但身體出現黑斑,懷疑感染鼠疫。最後韋家雄代徐榮開槍殺死黃浩然,並命人將屍首抬離平安谷火化… 主角光環失效?

阮兆祥終被炸死

另一方面,壞事做盡的阮兆祥在廟中被蘇玉華佈下的捕獸器弄傷,蘇玉華趁佢動彈不得時放下炸藥,點知被阮兆祥捉住雙腳,想攬住一齊同歸於盡!最後蘇玉華當然無事,而阮兆祥終被炸死,惡人有惡報。

大奸角徐榮有惡報

徐榮喺劇集雖然只係啱啱出場,不過奸到出汁非常搶鏡,結局中佢得知新政府軍打到嚟平安谷,於是坐滑翔機走佬,不過就被黃浩然 (無搞錯)用槍打中小腿,最後跌死。

婦女打碎女誡碑

平安谷最終迎來happy ending,一眾婦女革命成功,將女誡碑打碎!村中小朋友個個有書讀,全村上下樂也融融!

雙囍臨門

仲有一件開心事,就係黃浩然接替劉江做咗村長,然後老婆陳凱琳大埋肚!大團圓結局!

呢啲先係女神!盤點12位最索華姐冠軍

澳洲再度蜜月 謙謙陪楊怡玩水上滑梯

延伸閱讀:

雙胞胎識叫爸爸媽媽 楊采妮:覺得好Sweet!

關注我們Facebook專頁
    相關新聞
      更多瀏覽