陳曉東變型爆大鮮肉 着Gaga牛肉裝上身「露肉」
2018年02月06日08:30

【星島日報報道】陳曉東回歸即將舉行世界巡迴演唱會,2月10日率先係澳門威尼斯人金光綜藝館開騷,最近不時見到陳曉東身影,仲同粉絲互動,不停操肌嘅佢仲成日甫相,粉絲真係大飽眼福!

不過近日東東放咗張「鮮肉相」上網,原來係佢自己着咗件鮮肉咁款嘅紅色外套,成個Lady Gaga咁樣喎!東東搞笑講當自己係鮮肉,仲話:「說!這還夠不夠『大鮮肉』?i'm out to kill!你們別放狗!」原來件衫係喺北京嘅老婆買嚟送畀佢,等佢有個好意頭咁話!

離開香港樂壇15年,去年陳曉東決定回歸,為打響頭炮,東東落足力,特別排練長達10分鐘的勁歌熱舞環節。早前他接受訪問話,跳到身水身汗:「我唔係唱跳歌手,唔會勉強自己好似做馬戲團咁要做高難度動作,只會希望令觀眾睇得開心而發揮小宇宙用心盡力排練,呢part舞曲好有紀念性,見證當年光輝歲月,好似大家熟嗰啲歌如《結他》、《心理遊戲》及《特務》等,到時會用全新音樂炒埋一碟,仲以嶄新舞步去包裝,同以前唔同晒,等於由零開始重新去學,我希望觀眾會感染到現場氣氛玩得開心啲,熱情澎湃啲。」

關注我們Facebook專頁
    相關新聞
      更多瀏覽