攜大仔出席活動 鄭麗莎:佢開始跟我做運動
2018年02月05日17:45

惠氏營養品旗下超高端配方奶粉品牌ILLUMA®一直致力研究母乳中的奧妙,調配出獨有的「親和人體TM配方」,還原寶寶自然的營養需要。品牌日前於港麗酒店舉行產品介紹暨慈善捐贈發佈會,一眾城中星媽,包括陳敏之、周汶錡、Cara G.及鄭麗莎都有出席活動。惠氏營養品香港即場捐出港幣十萬元支票贈予Make-A-Wish願望成真基金,希望能幫助更多小朋友發揮天賦才能。

撰文:Sunday Kiss、Ling Lam

延伸閱讀:

官恩娜晒囡囡沙龍照 瞇眼微笑超療癒

DIY教材激發創意 梁詠琪為女鋪路入瑪利諾

鄭麗莎:囝囝開始跟我做運動

有「包山皇后」之稱的「蜘蛛女」鄭麗莎(Lisa)帶同兒子Tommy出席活動,她說:「兒子知道我要來出席活動,便嚷著要跟來,因為他是品牌的用家!最近他開始跟我做運動,發覺他的運動天賦也不俗呢!」

鄭麗莎
鄭麗莎
鄭麗莎帶同大仔出席活動。

鄭麗莎夢想生六個

Lisa一直夢想生六個,自2014年誕下大仔Tommy後,前年再誕下三胞胎,Lisa接受訪問時表示,雖然懷孕過程有風險,但她不欲扼殺小生命,亦相信自己有運動員的體魄及歷練支撐,決定冒險保胎,最終三胞胎「蛛BBB」汪晉孝(Jeremy,乳名Mimi)、汪尤霏(Euphy )和汪尤嘉(Yuka )順利出世,分別重2.08磅、1.688磅及1.74磅。上年有三胞胎一齊過雞年,今年三胞胎滿一歲半,相信今個新年一定會更加熱鬧!

鄭麗莎
鄭麗莎
上年鄭麗莎一炮過增加三個小朋友,新年屋企變得好熱鬧!

三胞胎外形不同

多胞胎外形大多很相似,但「蛛BBB」好易分辨,Lisa話佢哋啱啱出世嗰陣已經好唔同。大孖仔Mimi身形大一個碼,但頭髮最少;細孖女Yuka就最多頭髮,而比較平均的就是二孖女Euphy。三胞胎外形有點不一樣,連性格都不同,先他們出世不久,Lisa已察覺大孖Mimi比較愛笑,見到陌生人都識笑;Yuka則是辣椒仔,飲完奶會高八度尖叫;Euphy就較文靜,愛眼仔碌碌。

鄭麗莎
鄭麗莎
Lisa覺得四個小朋友都比較似老公,三胞胎更有哥哥晉晉的影子。

鄭麗莎
鄭麗莎

收四封利是 回贈親朋要大封

上個新年,Lisa話唔會主動帶三胞胎四出拜年,最多只去長輩屋企探望,但Lisa會準備多些大利是作補償。「因為人哋探我要俾四封利是,唔係幾好意思,所以我會封番大封啲俾人,同埋準備多啲賀年食品同糖果招呼人。」Lisa重視拜年禮儀,平時入屋叫人,拜年就恭喜人,Lisa笑說小朋友要人見人愛,已四出搜羅應節靚衫,並教定晉晉講:「恭喜發財!」

鄭麗莎同四個仔女
鄭麗莎同四個仔女
大哥哥晉晉喜歡與人交流,一下子多了三個弟妹,晉晉不但沒有呷醋,還好有哥哥風範,經常與細佬妹玩耍,為他們戴上奶嘴、取紙巾、尿片等,好幫得手。

產後急不及待復出

Lisa是前攀石及健美運動員,性格周身郁無時停,懷孕時為安全起見減低運動量,產後她急不及待復出,盡快操fit自己去應付有關運動的工作,包括跑步、打跆拳、健身和在家中進行簡單運動。「我時刻提醒自己要有良好體態,我有呢個意識就算喺屋企都做到運動。有時我會揹住晉晉出去行一兩個鐘,已經出到一身汗,佢又可以放電周圍睇嘢。如果BB瞓晒覺,見情況OK我會出去跑幾個圈。」

鄭麗莎
鄭麗莎
Lisa漸漸回復健美體態,抱起三胞胎都得!

Lisa與丈夫皆熱衷運動,晉晉都有遺傳好動因子,兩母子一齊做運動放電最啱,「湊放學我同佢成日拖住手大叫:1、2、3,Run!一齊跑跑跑!或者帶佢去公園爬來爬去捉衣因,乜都玩一餐!」Lisa話每逢年初二習慣與家人一齊行山,上年她就帶晉晉初試行山滋味。「行山係一個好好嘅gathering,我屋企都好鍾意呢種運動,我會準備定孭帶帶晉晉行山。」有小朋友1歲半征服龍脊,晉晉是行山初哥,Lisa考慮先帶晉晉征服大澳,行完有美食歎,是親子行山好去處。

鄭麗莎
鄭麗莎
晉晉正就讀一間本地幼稚園的N班,返學之後成長了不少,變得有禮貌,惟說話能力有待發展。

產前運動比產後重要

Lisa在產前產後均保持身形纖瘦,產後看落更實淨了,慢慢回復運動員的體格,她指產前運動比產後更重要。「因為產前打好個底子,令身體有啲肌肉,可以加快新陳代謝同血液循環,避免懷孕期間出現腰骨痛及水腫,產後亦唔會暴肥。」只要落手落腳湊孩子,媽咪肥極有限,「BB都開始坐唔定,鍾意扭抱,我喺屋企都要東奔西走。」

鄭麗莎
鄭麗莎
Lisa只餵了一兩個月人奶,因她不想給自己太大壓力,而且她與丈夫都是飲奶粉大,飲奶粉的小朋友亦不見得有壞影響,就選擇了餵奶粉。
鄭麗莎
鄭麗莎
晉晉性格無時停,就像一個小運動員要周圍放電,偶爾會衝去媽媽度,誤碰她的開刀傷口,令媽媽有少少隱隱作痛。

目標生夠六個

Lisa首次懷孕曾揚言,要生夠半打!已適應忙湊四個小孩的生活,生六個的目標有機會達成,「我見依家都開始搞得掂,可能生多兩個都得。」生仔容易教仔難,但Lisa覺得做人不應有太多顧慮,而作為一個運動員,每次接觸新的運動也充滿挑戰和困難,只要正面面對事情,最後成功又有一番景象。「只要保持正面心態,總有辦法解決。諗得太複雜就一定唔會再生,生又好教又好,諗得100%負面就唔會行動。我以前生活環境唔係富裕,我父母都係天生天養、窮有窮養。不過就算再生,我都會等三胞胎兩至三歲,行得走得、自己食到飯我先再諗。」

三胞胎年紀尚小,性格已經大不同,兩姊妹尤霏(中)和尤嘉(右)出世只相差50秒,尤霏好文靜溫柔,吃飽就訓;尤嘉則是小辣椒,飲飲吓奶會喊,喜歡扭抱。

不過有媽咪質疑,有錢可以請工人姐姐湊,生幾多個都得,Lisa不諱言為了三胞胎新請兩個姐姐,現家中有三個姐姐幫手,主要家務和分擔湊B壓力,自己都有落手落腳湊。即使有能力請,都不一定請得好,Lisa也遇過表現不理想的姐姐,最後請她離開。「姐姐主要幫手照顧日間嘅事,夜晚就係我做,BB未戒夜奶,我要校定鬧鐘半夜起身餵三個。其實每人有自己生活方式,請到信得過嘅姐姐係好事,請得唔好要監佢做嘢都麻煩,自己要睇緊啲。工人姐姐可以分擔壓力,自己亦可以抽身做吓工作,有番少少私人時間都係一件好事,睇吓自己有冇能力負擔到。」

10
10
晉晉經常要爭抱BB,一齊與BB傾偈,四兄弟姊妹相處得不錯。

無能力做怪獸家長

能夠照顧好四個小朋友,已經是Lisa目前最大的心願,她笑言自己沒有條件做「四個小孩的怪獸家長」,根本無時間督促四個學習十八般武藝,所以她會讓孩子走開心學習的路線,培養做運動興趣,期待一家人集體強身健體!

鄭麗莎
鄭麗莎
一想到四個孩子的學費,Lisa也大嘆壓力大,她希望政府推出的免費幼稚園計劃,可以為她慳番一筆。

延伸閱讀:

首晒囝囝正面照 賴慰玲:阿仔你真係識笑?

關注我們Facebook專頁
    相關新聞
      更多瀏覽