為《棟篤特工》落力宣傳 黃子華阿佘:靠自己實力!
2018年02月05日18:16

由黃子華及佘詩曼主演嘅賀歲電影《棟篤特工》今日舉行了發布會,除兩大主角外,C君及專家Dickson亦有出席。對於今次電影嘅投資方同TVB有官司糾紛,未能於TVB宣傳,子華坦言做人最緊要靠自己!

撰文:東方新地

圖片:東方新地

延伸閱讀:

華姐齊人領奬 冠軍李思佳:會學好廣東話

用完唔好即棄!使用過的暖包還有什麼用處?

黃子華:做人靠自己

對於今次電影未能於TVB宣傳,子華笑言做人最緊要靠自己:「以前我每次做棟篤笑,TVB咁啱都有播我啲劇,好多人仲話TVB幫我宣傳,我同人講真係冇夾定,但後來我做騷TVB冇再播我啲劇,啲飛都賣得唔錯,所以話做人最重要都係靠自己,你唔得邊個都幫你唔到。」至於拍檔佘詩曼就話:「官司係公司同公司之間嘅事,對我冇直接影響,最緊要大家買飛入場支持,子華話齋,要靠自己實力。」

子華同阿佘相隔多年後再度合作,子華話見到阿佘好開心,阿佘亦表示同子華合作好正,因為子華寫得好又演得好。
子華話仲未睇套戲嘅完成版,都好期待!

拒唱主題曲

子華過往都有唱電視劇主題曲,但佢自爆原來一向都唔鍾意唱主題曲:「今次電影監製叫我唱,我即刻話我好憎唱,呢部戲嘅質素唔應該搵我唱,但原來已經作好晒曲詞準備好晒,係欣宜唱,音樂總監仲坐我背後,我當時非常尷尬,佢叫我喺旁邊搞吓笑就OK。」子華話除非自己覺得非常適合先至會唱:「今次填詞嘅係一個女仔,佢中英文都填得好勁,多謝欣宜唱首歌。」

阿佘同子華跟現場觀眾大玩遊戲,氹到班粉絲勁開心!
子華透露情人節會團年慶祝:「嗰陣就嚟年尾,食團年飯之外仲要去謝票,聽講我哋套戲預售反應唔錯,呢個年頭有預售仲反應幾好,係好唔容易。」

C君撐陸永黑面

大會安排佢哋同扮演成女僕嘅現場觀眾齊齊行catwalk,子華大笑C君同女僕觀眾有夫妻相,C君話:「我去過女僕餐廳,男僕嗰啲都去過,對方要跪喺度幫我落單,自己都好唔好思。」對於拍檔陸永喺無綫頒獎禮,被指失言激嬲阿叻陳百祥後被照肺,C君力撐:「冇啲咁嘅事,唔知點解啲人話佢黑面,佢唔講嘢嘅時候就係黑面㗎啦,佢喺我面前都好少笑。」

佘詩曼之前演出電影版《十月初五的月光》,因超時補水問題,令TVB向蕭定一公司興訟,阿佘話一切已交晒畀公司處理。
子華坦言抗拒唱主題曲,除非自己覺得非常適合先至會唱:「今次電影主題曲填詞嘅係一個女仔,佢中英文都填得好勁,亦多謝欣宜唱呢首歌。」

C君之前同女友到日本浸溫泉,被笑指預支蜜月,佢笑笑口話:「未至於咁諗,不過之前都好似蘇民峰咁講,拖到18 、19年,估唔到咁快就到18年!」佢話拍咗拖三年幾,自己一定唔會好似陸永咁多唔小心喎。

今次電影有唔少紅星客串,例如鄭秀文、張智霖、楊千嬅、吳君如、譚詠麟等等,子華話唔係佢嘅功勞,因為自己唔敢去邀請,但監製就敢,子華話:「今次有咁多朋友支持,證明我同阿佘都唔係令人討厭嘅人,多謝大家。」
子華笑C君同女僕造型觀眾好有夫妻相。
粉絲要求簽名,友善嘅阿佘當然冇say no。

7套不能錯過也播完的韓劇

湊B爭主權 胡杏兒同奶奶過招

延伸閱讀:

必學1分鐘通鼻塞絕技 一隻手指搞得掂!

關注我們Facebook專頁
    相關新聞
      更多瀏覽