拍拖大半年 甜蜜談婚訊 阿嬌:男友超過100分!
2018年02月01日19:26

阿嬌鍾欣潼日前宣布與「台灣醫界王陽明」賴弘國訂婚,大晒巨鑽婚戒,今日阿嬌現身惠英紅生日會時首度開腔回應婚訊!阿嬌接受訪問期間甜笑不停,狂讚未婚夫包容晒佢所有壞習慣,直頭超過100分呀!

撰文:東方新地

圖片:IG、微博、新傳媒資料庫

延伸閱讀:

奶奶賜億半豪宅 陳伶俐再擲千萬開餐廳

中華小姐前哨戰 觀眾至Like才藝表演……

阿嬌宣布訂婚 Mani送祝福

阿嬌宣布訂婚後,其經理人霍汶希(Mani)回應表示:「好開心知道呢個消息,因為其實我都等咗今日好耐,希望阿嬌永遠幸福,其實阿嬌係一個非常非常之值得人愛嘅女仔,佢亦都係一個心地非常好嘅女仔,希望佢嘅另一半能夠永遠幸福 ,令佢永遠都可以有愛嘅感覺!」

阿嬌宣布訂婚 好姊妹容祖兒送祝福

而同阿嬌同公司嘅大師姐兼好姊妹容祖兒表示:「昨晚睇到佢個instagram,其實我真係好開心同埋好感動,嗰一刻有啲想喊,咁一直以嚟我覺得阿嬌係一個好好、心地好善良,好有愛心嘅女仔,喺我心目中佢好值得有一個人全心全意咁去愛佢、照顧佢同埋錫佢!咁亦都覺得佢好ready進入人生嘅另一個階段,無論佢嘅年紀同狀態,咁所以真係知道呢個消息,作為佢嘅好朋友真係好高興,咁我梗係好開心聽到呢個消息啦!但未知幾時真係結婚嘅,不過無論佢幾時我都一定會mark好個期同佢分享呢個人生最大嘅日子!所以好希望大家都戥佢高興,都祝福佢啦!」

容祖兒
容祖兒
容祖兒和阿嬌情同姊妹,對於好友宣布訂婚,祖兒送上深深的祝福!

阿嬌甜蜜談婚訊

阿嬌今日出席藝人惠英紅生日會,接受傳媒訪問,首度回應與男友賴弘國訂婚一事。一開始阿嬌高舉雙手,笑稱今日唔記得戴戒指,又話未婚夫太邋遢所以唔帶佢出嚟見人。阿嬌稱被求婚時自己無喊,反而係宣布訂婚時超級緊張,「紅都面晒」幾個鐘頭,而且個心跳得好快!

另外,兩人雖然係異地戀,不過阿嬌冧爆指賴弘國落力去維繫,就算自己因工作唔可以成日去見佢,但對方都會盡力配合,激讚未婚夫超過100分呀!

雖然同賴弘國只係拍拖半年左右,不過阿嬌都願意付託終身,佢就話未婚夫當然有佢價值,對自己好好:「對嘅時間,遇到對嘅人。」而賴弘國最令阿嬌感動的,係對方的包容:「佢好包容晒我,我好多壞習慣,畀晒壞嘅一面佢睇,佢照單全收。我唔會包裝自己,好攰!」

至於最重要的婚禮,阿嬌就話雖然已知會雙方家長,但其實咩都未plan好,有消息會即時通知大家,更稱之後會帶埋未婚夫出來同大家見面,由佢自己親口交代求婚過程及婚禮詳情等。再次恭喜阿嬌!

阿嬌情路屢受傷害 終于覓得理想情人

現年37歲的阿嬌鍾欣潼雖然是衆人的女神但在情路上可以說屢次受傷,2017年10月突然公開與「台灣醫界王陽明」賴弘國相戀,男方大有來頭,有學識,有外貌更是貼心暖男,二人拍拖後不時在IG放閃,羡煞旁人。想不到還拍拖不到一年就閃婚,根據消息人士透露,二人都很喜歡小朋友,想趕在狗年生BB所以一拍即合。因爲阿嬌剛開完演唱會需要做激烈的運動和表演,相信應該不是奉子成婚。

下一站幸福❤️ @m01yb46

A post shared by Q_gill (@q_gill) on Jan 31, 2018 at 8:08am PST

連好姐妹阿SA 都留言祝福相信一早已經知道賴弘國會有所行動

阿嬌,阿嬌結婚,結婚,賴弘國
阿嬌,阿嬌結婚,結婚,賴弘國

千言萬語~在心中❤️❤️ @q_gill #loveyouforever

A post shared by Charlene Choi (@choisaaaa) on Jan 31, 2018 at 8:32am PST

拍拖未夠一年不時甜蜜曬恩愛二人不時到處旅行,曬恩愛合照,就算相隔兩地也不是問題,而阿嬌也放下明星身段,願意做跟得夫人陪男友到外地談公事,絕對是100分的女友。

A post shared by Q_gill (@q_gill) on Nov 10, 2017 at 11:05pm PST

阿嬌,阿嬌結婚,結婚,賴弘國
阿嬌,阿嬌結婚,結婚,賴弘國

阿嬌,阿嬌結婚,結婚,賴弘國
阿嬌,阿嬌結婚,結婚,賴弘國

阿嬌情史豐富

鍾欣潼向來是一眾男士心目中的女神,與余文樂、麥浚龍、方力申,都傳過緋聞,但得到阿嬌確認的只有陳冠希和2012年曾公開戀情的韓籍男友K先生權寧一,可惜他們都不是阿嬌的真命天子,戀情瞬間即逝,不過近日阿嬌終於再度公開戀情,重新投入愛河,對方就是「台灣醫界王陽明」賴弘國。

阿嬌
阿嬌

二人經朋友介紹撻著

阿嬌早前到台灣拍劇,有知情人士透露他們經過朋友介紹,一見面就對對方產生好感,男方更出了不少冧招打動冰山女神!

賴弘國與王陽明(右)一起拍攝公益短片真的有如孖生兄弟!

賴弘國喜愛健身,絕對能保護嬌小的阿嬌!Man爆啊!

醫生界王陽明 前年先離婚

賴弘國被網友稱為「醫界王陽明」,絕對是網絡紅人!他與有華航林依晨之稱的前妻,前年才剛剛離婚,之前二人不時在網上晒恩愛,已經吸引不少網民關注,知名度絕對不比明星低!

感情滋潤春風滿臉

早前阿嬌post出淡妝照,令人驚訝,已經37歲的她笑容有如少女般甜美,原來是有了愛情的滋潤!還在網上放話喜歡食台灣美食,原來有言外之意!

阿嬌
阿嬌

阿嬌,阿嬌結婚,結婚,賴弘國
阿嬌,阿嬌結婚,結婚,賴弘國

恨生小朋友 第一胎想生囡

阿嬌曾在訪問中說過很喜歡小朋友,特別是女孩子,看她IG的相愛心爆棚就知道,她一定會是個好媽媽!阿嬌一定要幸福啊!

阿嬌
阿嬌

延伸閱讀:

男友偷食斷正!捉姦在床 第三者竟然扮住吹氣公仔先…

關注我們Facebook專頁
    相關新聞
      更多瀏覽