【有歌聽】古巨基銅鑼灣Busking 大唱卡通版《勁歌金曲》
2018年01月29日07:00

古巨基今年開始已經有唔少新搞作,好似日前已經推出新歌《初心》,仲搵埋新歌MV入面嘅小朋友拍宣傳片,佢代小朋友上課外活動、興趣班;而小朋友就代基仔錄音!

早幾日基仔喺社交平台上預告,星期日會去銅鑼灣Busking,呢日佢一口氣唱足半個鐘。《友共情》同新歌《初心》當然走唔甩,但最估唔到嘅係,基仔大唱兒歌!

基仔唱出「天空宇宙任我闖,追蹤那耀眼星光,只因我是至Net小人類」,全場即刻勁興奮,之後仲嚟個《勁歌金曲4:兒歌串燒》!

大家又數唔數到佢唱咗邊幾首兒歌呢?

當中包括《至net小人類》、《黃金戰士》、《小小朋友仔》、《足球小將》、《宇宙大帝》、《太空戰士》、《忍者小靈精》、《美少女戰士》、《龍珠》、《做馬仔》、《機靈小和尚》、《IQ博士》、《多啦a夢》、《夢中天使》、《我係小忌廉》、《藍精靈》、《問題天天都多》等經典兒歌!

關注我們Facebook專頁
    相關新聞
      更多瀏覽