陸永發文向鮑起靜道歉 否認激嬲阿叻被照肺
2018年01月23日07:00

日前陸永擔任《萬千星輝頒獎典禮2017》司儀,被指多番失言,將鮑起靜(鮑姐)叫咗做「Bell姐」,又將《踩過界》講咗《誇過界》。不過最受關注係疑似寸親陳百祥(阿叻)。頒獎時阿叻話:「我份人好謙虛嘅!」陸永隨即回應:「你喺謙虛呢方面都幾囂張!」

不久身為司儀嘅農夫喺頒獎禮期間忽然冇影,獨留鄭裕玲一人支撐大局。再現身時陸永又神不守舍,引來網民猜測陸永因寸阿叻遭到訓話。陸永後來喺社交網站向鮑姐道歉,又指自己好多哈碌,對唔住各位。

陸永接受傳媒訪問時,指阿叻完全冇嬲,C君亦做證指陸永冇畀高層照肺,落台只係去廁所。至於Do姐有段時間一人頒獎,係因為該獎要比較認真嚴肅。

陸永道歉全文:

關注我們Facebook專頁
    相關新聞
      更多瀏覽