【背病妻偷食?】疑似小三被起底 小室哲哉話仍深愛太太
2018年01月19日07:00

日本樂壇教父小室哲哉同globe主音KEIKO結婚15年,不過KEIKO喺2011年因腦內蛛網膜下腔出血入院後,健康一直都好差,小室哲哉多年嚟都有陪伴身邊照顧。

不過日本雜誌《週刊文春》就爆料,話小室哲哉疑似同女護士A小姐關係密切,唔單止畀人影到兩人一齊出入高級酒店,更爆出小室趁KEIKO返娘家時,帶A小姐到寓所過夜!

網民好快就起出「A小姐」嘅底,發現小室之前接受訪問嘅片段中,當時佢喺工作室打營養針,為佢服務嘅女子面容姣好、身材窈窕,似乎就係「A小姐」!

小室就否認佢同A小姐有男女關係,兩人亦都冇接吻或牽手:「我和她之間就是病人與護理師。」

問到佢仲係咪深愛KEIKO,小室哲哉回應話:「係!」小室嘅經紀公司就表示,星期五小室會就報道開記者會解話。

關注我們Facebook專頁
    相關新聞
      更多瀏覽