專食女星 網友封賤男 Selina前夫 暗撻狄以達舊愛斷正
2018年01月18日14:09

台灣組合S.H.E.成員Selina(任家萱)前夫張承中,同Selina拍拖到婚後,多次被影到背住女友把妹,當年Selina被火燒傷,阿中堅持娶,而佢曾向台灣媒體講過:「我不娶就變壞人了」,二人婚後人前恩愛,但婚後4年阿中再被影到夜會辣妹,有傳係佢同Selina離婚嘅導火線!回歸單身嘅阿中孔雀開屏,緋聞女友一個接一個,日前又被台灣傳媒影到同狄以達 (前名:狄易達) 舊愛、台灣女星吳亞馨半夜密會,為咗唔上鏡女方更一度躲在樓梯底下!

撰文:東方新地

圖片:新傳媒圖片庫、吳亞馨,Selina,張承中@Facebook

Selina燒傷張承中:我不娶就變壞人了!

任職律師的張承中同Selina喺07年拍拖,中間兩人數度分手復合,其間阿中曾被影到背女友在外把妹,2010年5月在 S.H.E的演唱會上阿中當眾告白:「老婆我愛你」戀情大方公開,同年9月訂婚,10月Selina於內地拍劇意外燒傷54%皮膚,Selina曾兩度跟阿中提出退婚,更說:「其實你有更好的選擇」,不過阿中當時認「放不下」、「走不開」,決定繼續同Selina一齊,而阿中亦曾向台灣媒體說:「我不娶就變壞人了」!

2011年,阿中揀喺Selina生日當天完婚。當時張承中對佢不離不棄,從此被公認為好好先生!

Selina
Selina
張承中由當年同拍拖到婚後,多次被影到背Selina偷食,因而被台網友封「賤男」!

拖索女去唱K 張承中:我非聖人

及至2015年3月,張承中喺台灣被影到拖索女凌晨去唱K,之後仲上的士,去到酒店門前發現有記者追蹤才鬼祟離開!張承中之後間接承認確有此事,接受訪問時眼紅紅咁話:「我非聖人,跟大家一樣會吃飯喝酒唱歌!」雖然事後Selina同老公手拖手晒恩愛,以行動撐老公,但其實當時已傳二人婚姻早已亮起紅燈!而受偷食事件影響,阿中在臉書正式宣布退出立委選舉。

張承中
張承中
阿中宣布以無黨籍身分參選立委,屢遭外界質疑靠老婆有名氣的他,在臉書反擊「候選人是張承中,不是任家萱」,對自己被酸靠妻頗為在意,隨後阿中宣布退選,Selina表示支持老公決定

2016年3月,Selina、阿中宣布離婚,Selina對離婚原因未有多說明,反而阿中以千字文講原因,由於二人興趣及話題不同,就連睇電視,一個愛看綜藝,一個愛看新聞,結果二人愈行愈遠,由愛情變親情,Selina是比親妹妹還要親!

網友怒插係賤男

對於「分訊」,時,阿中口說自己應該負上最大責任,但網民鬧爆佢係賤男而且不負責任,唔止多年多被影到背Selina偷食,又話興趣話題不合,唔會係9年後才知,話佢根本冇心經營呢段婚姻,找爛借口為自己開脫!

張承中 離婚後孔雀開屏

你有你鬧,我有我蒲!同Selina離婚後阿中索性將佢嘅夜店獵女生活浮上水面。早前,阿中曾經同台灣辣模卓苡瑄及女主播洪藜恩傳出緋聞,近日又再因與女星密會成為焦點人物!今次張承中就被影到同狄以達舊愛、台灣女星吳亞馨密會!兩人見面時非常警覺,除咗不時四圍望睇吓有冇記者外,更拉埋一男一女做煙幕,齊齊去睇戲。

避鏡頭匿樓梯底

散場後,吳亞馨同張承中前後腳離場,女方為避鏡頭更一度躲在樓梯底下。吳亞馨被記者問到與張承中的關係時,依然死撐只係「朋友嘅朋友」。其實既然係朋友,點解唔大大方方行出來,而要匿埋喺樓梯底呢?吳亞馨被追問只是朋友關係,何解要躲藏起來,吳亞馨笑說:「看到鏡頭下意識會躲。」佢一再強調二人只是普通朋友,相約一齊看戲。

吳亞馨 曾同李宗瑞拍拖

台灣女星吳亞馨除咗同朱孝天、李聖傑等人傳過緋聞,仲係淫魔李宗瑞的前女友,之前就有傳當年吳因為不甘被分手而割脈自殺。發生李宗瑞案後不久,吳亞馨佢同細佢6年嘅的港星狄以達(前名:狄易逹)拍拖一年多,狄以達當時話對女友嘅過去毫不介意,但年半後二人都係分手收場。依家又被影到密會阿中,感情生活真係多姿多采!

早前吳亞馨去日本滑雪同浸溫泉,有網友問揸機影相嘅係咪緋聞男友阿中?!

Selina 放低前夫

離婚後,張承中已經唔止一次被影到媾女,而Selina亦曾回應會祝福對方,指自己一早已經放低咗。而Selina去年出席林宥嘉、江文琪婚禮,獲一對新人送上鮮花祝福,希望她早日找到第二春,令Selina喜極而泣!

離婚後,Selina得到家人支持,好快收捨心情!

綜藝節目
綜藝節目

相關文章:

唔知D奶真定假~嚴選TVB 8大D級「胸狠」女藝人

開記招否認曾性侵 曾志偉:忍只會令網絡暴力愈來愈嚴重

佢地對眼識笑!盤點岑麗香等TVB 8大「笑瞇瞇」的女藝人!

關注我們Facebook專頁
    相關新聞
      更多瀏覽