Eason被谷德昭笑:傻仔嚟㗎
2018年01月17日03:00
谷德昭即場錫啖Eason,十分搞笑。

【星島日報報道】陳奕迅(Eason)前晚出席谷德昭執導電影《卧底巨星》香港首映禮,提到拍攝該片時搞到向導演哭訴,谷德昭解釋想給新人李榮浩更多信心,但Eason想埋一邊,搞笑謂:「傻仔嚟㗎!」隨即在台上錫啖Eason,更謂暗地里會嘴對嘴。

前晚除了主演的陳奕迅、Chris Collins及劉浩龍等出席外,林家棟亦有到場支持。對於戲中不少動作戲,Eason坦言要用真力,但要懂得收放,亦明白做動作演員好攰,更認為打人好浪費力氣,寧願做被人打,而且節奏感好重要。談到淚灑片場,Eason笑言自己當時「扭計」,向劇組申請兩星期到內地參與節目《中國新歌星》,但返來拍戲時發現導演不再愛他,自己從未試過這麼愛一個導演。他說:「導演愛李榮浩多過我,唔知點解自己做乜都吃力不討好,我拉導演埋一邊講,一路講一路喊,從未試過,其實好瘀!唔係只係女仔會咁。」

Eason笑言可能年紀大會感性點,有跟李榮浩講這件事,對方覺得他講出來都好。他也坦言拍動作戲有受傷,當中醉拳720招式最難做,最後都做到,又指今次接拍該片有好多因素,因為做了兩年巡迴歌手覺得好死板,亦覺得自己不好笑,但導演認為他好有能量同傾談好多次。他說:「去到拍又投入到,其實好開心,拍完之後我係開心番,拍喜劇真係好開心。」

同場的林家棟坦言在片場有喊過,因為演員有時會被劇本帶動,所以情緒不會太穩定跟住角色走,試過駕車時聽歌又想起一些事情也會眼濕濕,當拍喜劇會可能諗到好多無厘頭的事。問到可會為爭寵而喊?他說:「通常導演錫你先會逼到喊,一定覺得你仲有好多空間同潛質去揸乾你。」

關注我們Facebook專頁
    相關新聞
      更多瀏覽