導演肥谷偏愛李榮浩 醋男陳奕迅片場爆喊:做乜都吃力不討好!
2018年01月16日19:40

由谷德昭執導陳奕迅及李榮浩主演嘅《卧底巨星》日前晚上在旺角舉行首映禮,出席的演員包括陳奕迅、劉浩龍、許紹雄等,電影係一部功夫喜劇,主演嘅Eason喺台上教導現場觀眾耍功夫,而佢都也耍得似模似樣,講到拍攝難忘事,佢自爆拍攝期間呷谷德昭醋,而喺片場喊,幸好溝通後冇影響彼此感情及拍攝進度!

撰文:東方新地

圖片:新傳媒圖片庫

陳奕迅拍打戲 誤傷武師

呢部係Eason第一部動作電影,佢話第一次接拍真係要學功夫嘅電影角色,平常佢拍戲都係畀人打多,但今次真的是要自己去打人唔用替身,Eason話:「其實感覺也不是太好受!」打完手會腫起來也會痛。Eason透露唔小心打中咗武師,佢話傷到別人,自己感覺最難受,在旁嘅導演谷德昭都話始終受過專業訓練的人懂得如何留力,Eason只係半途出家,算打得好好!

拍攝動作電影常常也聽說演員會受傷影響拍攝,Eason表示這次也只是少少受傷,有時候流血也不知道,有時候專注一件事情自己受傷也不發覺。這次雖然說是功夫電影,但也是一部喜劇,Eason當初接下來的時候覺得自己演得不好笑,之前雖然有拍攝一些喜劇電影,但那些角色也是很沉重。

在台上時候,Eason透露在拍攝途中在片場喊,佢話因為拍攝期間有兩星期中途離開去內地拍綜藝節目,點知返嚟歸隊後,就發現導演好似唔愛自己,反而愛李榮浩多啲,佢就補充話:其實係自己諗太多,係「扭計」,佢重申所講嘅係真人真事,從來未試過對一個導演投放咁多感情,「因為那時候李榮浩做咩都令到導演好開心,而自己做咩….簡單嚟講係呷醋,令到我覺得自己做咩都吃力不討好,然後有一天我拉咗導演去同佢講,我一路講一路喊!」Eason真係大情大性嘅人!

EASON一身裝扮難以與功夫兩字聯想在一起。

為咗安撫Eason,導演肥谷都詢眾要求,台上即場錫咗Eason一啖,搞到Eason笑到四萬咁口!

一眾好友明星也有來撐場,包括林家棟及陳百祥等

綜藝節目
綜藝節目

相關文章:

印度女為自救 發明GPS定位密碼鎖「防姦褲」?

點只吳彥祖又叻又靚仔 盤點馬國明等10位 高學歷男神

堪稱福岡天然真珠!美女似鳥沙也加 風靡各地網民爆紅

關注我們Facebook專頁
    相關新聞
      更多瀏覽