譚詠麟疑傳聞事有蹊蹺 引述志偉回應:點會係真?
2018年01月12日19:17
譚詠麟話志偉仲識得笑,不用擔心。

【星島日報報道】譚詠麟(校長)在廣州舉行《廣東歌50週年企劃》發佈會,為年中推出的廣東專輯公開邀曲詞,吸引年輕人參與。環球掌舵人黃劍濤、評委成員向雪懷和林敏驄等亦到場支持,並進行敲鑼招募儀式。校長特別戴了一個一邊正方一邊圓型的眼鏡框亮相,寓意任何焦點都可共同創作、集思廣益。他笑言要緊貼時代、貼地氣,希望年輕人踴躍參加,亦為年輕人夢想成真。校長續指任何主題也歡迎,即使是肉麻情歌也可。縱橫樂壇數十載,校長坦言只未唱過搖滾版的粵曲。

提到如此繁忙,有否時間關心好友曾志偉與藍潔瑛的舊聞被翻抄?校長謂:「昨日看到報道後也有打過電話給志偉,志偉仲有笑,話『點會係真?』,見到佢咁開心,我都唔使擔心,何況佢哋係好好朋友。(指志偉和藍潔瑛?)係呀,所以點會發生咁嘅事,我在演藝人協會都聽過,如果有人提到藍潔瑛有事,志偉都會叫大家關心下,因此傳聞係事有蹊蹺。」說到內地有「金牌女模教母」之稱的韓穎華亦加把口,矛頭直指志偉,校長說:「我唔知道,亦唔知道乜野教父教母,第一、我唔識對方,第二、喺咁嘅時刻,真係千奇百怪、多姿多彩。(有指周冬雨也被涉在內?)我真係唔知,故不會評論,如果我知道件事又知非屬實,就會講。」搞笑是最後問到是否相信志偉絕對不會做這些事?校長鬼馬道:「佢應該無咁嘅能力!(無邊方面能力?)老友嚟嘅,唔講得,哈哈!」(攝影:羅安強)

關注我們Facebook專頁
    相關新聞
      更多瀏覽