張衛健為胞弟辦追思會 Sammi樂見張媽媽堅強豁達
2018年01月10日15:07
Sammi有份出席張衛健胞弟的追思會。

【星島日報報道】關錦鵬執導新片《暫名:八個女人一台戲》,鄭秀文(Sammi)、梁詠琪(Gigi)、趙雅芝、周嘉怡、商天娥等演出,今日於香港大會堂取景拍攝。

談到張衛健(Dicky)昨晚為已故胞弟張衞彝舉行追思會,有份出席的Sammi稱:「張衛健一家人也是天主教徒,我睇到他們的宗教信仰畀好多力量,他的媽媽真係好堅強,面對死亡好似正如Dicky所講有種豁達。整個過程都好平靜,Dicky處理得好好。」

今次拍攝新片,扮演話劇天后的Sammi表示戲中跟Gigi因往事產生心結,又指今次演繹有十幾歲兒子的媽媽,完全沒有衝破關口,反而覺得好自然。她說:「除非話個仔30幾歲就怪,但十幾歲好合理,當件事合理完全無關口,睇完劇本好鍾意,作為演員這個角色是一個里程碑。」

Sammi直言以前演戲要徹底挑戰難度,來到現階段會從容面對,當拿到劇本就好有信心駕馭到這角色,雖然從未演過這類角色,但經過多年成長令演戲的信心強烈,不會像以前演出《長恨歌》帶著戰戰兢兢的心情。她說:「呢部戲都有啲情緒,所以我來到拍攝現場唔敢太玩,成日要培養好內心情緒,電話都好少睇。我好有信心處理呢個角色,如果畀我10年前處理呢個角色可能會覺得驚驚地。其中一個關鍵係個人有好狀態,唔再好低落,就會做任何一樣事會好清楚同內心好自在。」

對於跟Gigi再合作,Sammi坦言好開心,對方經已成為母親,相隔20年再合作,大家互相睇到對方不一樣。她說:「Gigi現在有家庭同小孩,睇到她成個人好活潑同開朗,係我20年前同她合作無見過她這一面。我自己亦有家庭,所以大家都keep得幾好呀!」

關注我們Facebook專頁
    相關新聞
      更多瀏覽