【今年尾行禮】江若琳計劃婚後「造人」 爆喊收兩卡求婚鑽戒 
2018年01月10日18:00
江若琳去年12月已答應Oscar的求婚。

【星島日報報道】江若琳與拍拖未夠1年的男友蕭潤邦(Oscar)今日齊齊報喜,在社交平台上載去年12月的照片,原來江若琳已答應Oscar的求婚,成為「未來蕭太」。Oscar稱當時二人身在上海的酒吧,請了位琴師伴奏,亦邀請多位江若琳的好友到上海見證美事;他事前有留意女友喜愛的飾物,找了設計師訂造兩卡求婚鑽戒。

江若琳接受本報訪問時亦甜蜜表示,與Oscar拍拖前已相識10年,了解對方是可靠、可以付託終身的好男人。她開心指:「求婚一刻好感動好驚喜,突然好多朋友仔嚟咗,事前完全唔知。佢(Oscar)有唱歌,成個氣氛好浪漫。我個腦有好多回憶,之後爆喊,佢同我講『你唔好咁啦,以為你失戀吖』。」談到婚禮籌備工作,江若琳只想簡單進行,有最親密的親友見證已足夠,計劃今年年尾辦婚禮,有足夠時間搵場地。

問到生B計劃?江若琳稱未有佗B,「因為大家都好忙,佢(Oscar)忙開舖,我亦好鍾意做野,希望結咗婚一步一步嚟。」Oscar謂與江若琳都鍾意小孩,結婚後會「造人」,亦未諗影婚照的事,他說:「結婚相生活化啲,未決定去邊度影,每一日每一個畫面都可以做結婚相。」

關注我們Facebook專頁
    相關新聞
      更多瀏覽