北京舉行盛大記招 宣布回歸樂壇 謝霆鋒 想搞美食音樂會
2018年01月05日15:37

早前謝霆鋒喺《叱咤頒獎禮》現身獻唱《玉蝴蝶》、《活著VIVA》同新歌《有火》畀大家驚喜,粉絲網友瘋狂洗板,紛紛召喚「chef le mon」放低鑊鏟回歸樂壇。日前謝霆鋒在北京舉行發布會,宣布2018重燃音樂呢團火,將會回歸樂壇。為隆重其事,記者 會耗資過百萬人民幣搭建大型會場,設計似時光隧道,讓大家重溫霆鋒的音樂之路,會上除播出除全新國語歌《異想天開》(粵語版《有火》),一眾好友預先拍下祝賀短片送畀霆鋒㖭!

撰文:東方新地

謝霆鋒 宣布2018回歸樂壇

霆鋒到北京競圓藝術園區為全新國語歌《異想天開》(粵語版《有火》)舉行《謝霆鋒2018異想天開音樂計劃發佈會》,宣佈喺2018年回到個人事業爆發原點︰音樂,重拾嗰團像威化般乾脆嘅火!而去到主場館,發佈會亦正式開始,出席嘉賓除了主角謝霆鋒,還有騰訊音樂娛樂集團副總裁Andy吳偉林先生,英皇娛樂(香港)有限公司行政總裁Shirley許佩斯女士 ,英皇(北京)文化發展有限公司行政總裁兼英皇娛樂(香港)有限公司營運總裁Mani霍汶希女士。

謝霆鋒
謝霆鋒
謝霆鋒日前受訪時,透露一直有收Demo,目前亦有三、四首歌同步灌錄中,相信他的歌迷定必又興奮又期待!

會場耗資過百萬

為隆重其事,記者會耗資過百萬人民幣,架起一個大型會場,喺進入主場館前嘅一個序廳入面,大家會睇到唔同時期霆鋒嘅經典造型及MV,呢個設計相當有心思,就好似入到時光隧道快速一覽其音樂之路,喚起大家嘅回憶。

未知會否出專輯

發佈會上,霆鋒帶來今年第一首主打歌《異想天開》,大會司儀問到歌名《異想天開》的意思,霆鋒說:「呢首歌係先錄粵語《有火》 ,之後再啟發我創作國語版《異想天開》,到依家為止我錄好幾首作 品,還未創作完,靈感係大到……可能我哋要去外國唔同地 方錄音呀,就係為特地去錄結他聲呀、弦樂呀等等。」 主持人問今年有冇計劃出專輯,霆鋒就話:「我唔敢話係專輯, 但我確實響音樂上面有好多想法,如果有新的好意念帶到畀大家, 有更好的創作的話,都會有出product的可能。」

謝霆鋒
謝霆鋒
霆鋒穿灰色西裝襯牛仔褲現身,司儀問歌名《異想天開》有何意思?他表示:「呢首歌係先錄粵語版《有火》,之後再啟發我創作國語版《異想天開》,到依家為止我錄好幾首作品,但仲未創作完,可能我哋會去外國唔同地方錄音。」但霆鋒坦言未知會否出專輯,但就有很多音樂的構思。

好友拍片祝賀

而霆鋒一眾圈中好友包括容祖兒、陳偉霆、Twins、關智斌、陳奕迅、范冰冰、小S、孫楠、陶喆、阮經天、李榮浩、林宥嘉、林俊傑、高圓圓、楊冪、周筆暢等都拍片祝賀。李榮浩話︰「其實我非常非常熟你的歌,以前還會去練一些他的歌裡面結他Solo。」就連前輩級陶喆也講到明︰「非常期待Nicholas要飆一下結他!」

當中Twins同關智斌更自爆每次去唱K,都會點霆鋒嘅歌,Kenny唱《玉蝴蝶》,而Twins仲即場邊唱邊跳《活著VIVA》!

陳奕迅 壓軸撐場

不過最搞笑都係小S(徐熙娣)︰「謝霆鋒,我希望可以看到你跟___(被滅聲)一起合唱,然後一起拍一隻MV,然後在裡面親嘴。」雖然聽唔到小S講另一主角是誰,但已經令到全場嘉賓大笑。而壓軸仲有好友陳奕迅撐場,片中Eason一臉正經地介紹霆鋒新歌,但中途就殺出「神秘嘉賓」霆鋒做彩蛋,原來拍攝短片時霆鋒咁岩約咗Eason、馮德倫及舒淇夫婦等好友食飯,同場馮德倫仲幫手拍攝,舒淇就負責打燈!之後大會播出《異想天開》MV,作為全球首播,除了參與發佈會的嘉賓觀眾,網民仲可通過QQ音樂、酷狗音樂、酷狗直播、全民K歌睇直播。

霆鋒 搞美食音樂節

除外Mani亦都喺記者會上代粉絲跪求霆鋒開演唱會,同時帶來一張附上不少刀刀叉叉的唱片,Mani搞笑說︰「我呢份禮物係想講,如果霆鋒肯開演唱會,佢用上面嘅刀刀叉叉掟我都得!」然後仲叫台下粉絲起哄大喊「演唱會、演唱會」。而霆鋒嘅回應就係:「我覺得現今大眾聽音樂同時追求一種體驗,所以我地未來嘅方向,可能搞一個美食音樂節,入場人士都可以品嘗到我為大家喺世界各地挑選嘅美食,亦會有我創作嘅全新菜式,當然每晚嘅重頭戲就係音樂會,不過要揾到適合嘅場地係目前最困難嘅!」

Mani為霆鋒帶來一張附上不少刀刀叉叉的唱片,Mani搞笑說︰「如果霆鋒肯開演唱會,佢用上面嘅刀刀叉叉掟我都得!」
最後一眾嘉賓與霆鋒舉行一個啟動儀式,代表《謝霆鋒2018異想天開音樂計畫》正式啟動,發佈會圓滿結束!

騰訊音樂娛樂集團副總裁Andy吳偉林,送上一支採用3D打印、外形仿照霆鋒第一次紅館個唱時所用款式結他,寄語霆鋒用它將音樂帶到異想天開嘅世界。霆鋒直呼: 「好有親切感!」而英皇娛樂(香港)有限公司行政總裁Shirley許佩斯女士,為霆鋒送上一個發光的地球儀,寓意霆鋒的音樂和美食,可以帶到全世界,在每一個角落發光發亮,真係好有意思!

推出全新廣東歌《有火》

同一日,霆鋒全新廣東歌《有火》MV也在香港上架,霆鋒在網上平台節目接受森美訪問,談到鮮有推出廣東歌時,佢話佢一直有收Demo,《有火》很貼近自己和港人「想做就去做」的心態,目前已有三、四首歌同期進行灌錄工作。霆鋒話:不論係年輕定係年老,都應該有火,睇點用團火去對待件事,隨着年紀漸長,對歌唱事業心態也有改變,《活着Viva》年代嘅我可能係紅色的火,依家我係藍色的火,比以往高溫得多,但唔似過去的瘋狂,或者再過20年,將會係白熱的火。」佢透露依家積極構思一個集結美食和音樂為主的嘉年華。「你唔使鍾意我,你嚟玩、你嚟食美食;或者你唔使食美食,就只嚟玩同聽音樂。」

一個MV 三個故事

在節奏急速的大城市生活,來自社會、家庭、朋友及生活的壓力,都輕易地把夢想壓碎,甚至好讓你舉手投降,而《有火》嘅MV就找來三位年輕人,拍下三個要佢哋放棄夢想的理由。霆鋒化身駭客,暗中為來自上海、香港及台灣三地的年輕人打打氣!

相關文章:

網民率先票選「萬千星輝視帝」 胡鴻鈞竟跑贏馬國明成條街

扮醜全裸乜都得!盤點衛詩雅、周秀娜等7個演技爆發金像獎女新星

巴辣大小姐彈出 林淑敏謙稱:「係個角色好啫!」

關注我們Facebook專頁
    相關新聞
      更多瀏覽