【Running Man】同全昭旻拎最佳情侶獎 李光洙:發誓只是同事
2017年12月31日07:00

星期六除咗係《2017年度勁歌金曲頒獎典禮》,亦係韓國嘅《SBS演藝大獎》及《MBC演技大賞》!

《Running Man》經過上年宋智孝及金鐘國「被下車」事件後,今年終於可以開開心心咁出席頒獎禮,新加入嘅全昭旻更拎到《SBS演藝大獎》新人獎,佢喊住話:「今次首次挑戰綜藝所以好擔心!」宋智孝聽完全昭旻感想後,仲差啲喊出嚟!

「最佳情侶獎」就由李光洙同全昭旻拎到,其實唔少觀眾都覺得佢兩個係「有啲嘢」,光洙仲去過全昭旻屋企過夜,搞到李光洙要公開話:「我發誓只是同事關係!」「 綜藝部門最優秀獎」由池石鎮奪得!

至於Running Man所有成員,就奪得「Global Star Award」!Wanna One成員就姜丹尼爾以《Master Key》拎綜藝部男新人獎。

另外,MBC先前受到罷工影響,好在都順利舉行《演技大賞》,喺少女時代完咗約嘅徐玄,就以《小偷傢伙,小偷大人》奪得《MBC演技大賞》女新人獎!

關注我們Facebook專頁
    相關新聞
      更多瀏覽