【削骨還父】胡鴻鈞回應「刀削面」:我係會P圖
2017年12月31日07:00

胡鴻鈞成日都被指整容,仲話佢「削骨還父」,呢日佢接受商台訪問,亦被問到呢個問題!

胡鴻鈞話,自己的確會P圖:「既然係要放Media,就一定要調色、把自己搞到最瘦、眼睛要最大!」仲叫主持人即場驗證:「你摸一吓,感受一吓,臉瘦咗,一來會少咗Baby Fat,二來,我做運動都一定有幫助。」

胡鴻鈞又提到,自己當年其實唔鍾意被網民話佢「削面」,有時仲會刪除部分負評:「嗰時我唔識點去面對,七年來我學識唔會每個人都讚賞你,有時有啲人會唔喜歡你、要學會怎樣去接受呢啲聲音。」

提到另一個敏感話題--「斷背」,胡鴻鈞話「緋聞男友」許廷鏗係佢心入面,似一個大哥:「佢係一個完全不計較嘅人,佢有時幫我幫到一個地步係會影響到自己!」

關注我們Facebook專頁
    相關新聞
      更多瀏覽