李克勤成新城勁爆大贏家 感激「霉髧墮」時雪中送炭
2017年12月30日10:24
克勤指頒獎禮猶如踢波,歌手是前鋒負責入波。

【星島日報報道】《新城勁爆頒獎禮2017》昨晚舉行,共頒發61個獎項。壓軸獲頒三大獎項的李克勤,他說:「一直好尊重和欣賞新城電台,由銳哥(前新城高層朱明銳)…講會唔會唔係幾好…又銳哥頒百幾個獎,其實都幾好,因為歌手有順風順水,唔順風順水嘅時候,當無人問津都有獎攞,我深深感受到呢份雪中送炭。」

克勤又覺得今次是公司功勞,經歷多年的頒獎禮,頒獎禮猶如踢波,歌手是前鋒負責入波。他又自爆很肚餓,唱歌時餓到手震,因與小朋友早食飯,聖誕吃太多不敢再多吃,加上感冒令他倍感肚餓。

問到頒獎禮不在26號舉行是否更好?他表示台上所講的全是肺腑之言,26號舉行大家都辛苦,是搵錢、旅行和湊仔黃金檔期。笑問是否掛念銳哥?他說一朝天子,無謂向後望,有新一代領導班主。

克勤坦言經歷過「霉髧墮」沒獎的時期,新城對歌手來說可謂雪中送炭。談到所屬的英皇與新城破冰,他即裝作不知笑說:「我新嚟㗎,咩事…關銳哥事?(由你來破冰。)我係前峰負責入波,還有領導班主。」對於有指他是總括四個頒獎禮的「終極獎王」,克勤說不知,好與不好也經歷過,試過好豐收,亦試過喊濕幾個枕頭,最衰是連邀請也不記得。

另外,新城「勁爆男歌手」由周栢豪、陳栢宇、許廷鏗奪得,「勁爆女歌手」則由王菀之、衛蘭、鄭欣宜奪得,欣宜表示能與Ivana和Janice企埋一齊不敢當。

關注我們Facebook專頁
    相關新聞
      更多瀏覽