無綫5小花性感熱舞 拍〈到此一遊〉MV
2017年12月29日13:48

早前TVB台慶劇《降魔的》大受歡迎,連帶胡鴻鈞主唱的主題曲〈到此一遊〉亦爆紅,「誰願見死不救 滴水不漏 像一顆石頭」有睇過套劇的都識唱!〈到此一遊〉咁紅就當然唔好俾佢停,日前TVB就搵來五位小花黃心穎、蔡思貝、馮盈盈、張寶兒和邵珮詩合唱呢首歌,再拍一個性感火辣的MV,正呀喂!

圖片來源:See See TVB截圖

性感熱舞 翻唱〈到此一遊〉

「無懼我心傷透 蕩揮衣袖 萬般帶不走~」今次〈到此一遊〉改由黃心穎、蔡思貝、馮盈盈、張寶兒和邵珮詩合唱,五女齊齊著上性感舞衣,貼身衫、短裙晒腿晒腰,擺吓性感甫士… 擺明都係參考韓國舞團。雖然眾人唔係舞團出身,歌難免唱得一般,跳舞又有啲唔齊,不過歌曲輕快,一班靚女青春可人,都算幾好睇啦!

蔡思貝狂野攬仔

除了五女合體跳舞,MV中佢哋各自有一個造型,蔡思貝個背心仔造型夠晒狂野,神情嫵媚,仲同周志康攬到實喎!

黃心穎紋身晒奶

五女中最出位肯定係心穎BB,手臂大大個紋身非常搶眼,同佢平常可愛的形象好唔同。著上吊帶背心的心穎後面有白滑玉背,正面則大晒深長事業線,說好的「限奶令」呢?

仲同唔著衫的林師傑攬攬。

呢個畫面無得輸呀!馮盈盈打喪屍

馮盈盈就一身打女造型,成件粉紅色皮褸都係釘,仲拎住個襯晒免的粉紅色電鋸打喪屍。另外,皮褸入面都有少少事業線同小蠻腰睇㗎!

成身飛晒釘。

低調性感!張寶兒專心玩蛇

袁偉豪女友張寶兒就著條紅色裙露吓手臂露吓腰,仲拎住條蛇係咁玩!

邵珮詩 冇咩存在感

網民對佢印象一直麻麻的前港姐冠軍邵珮詩,今次喺MV出鏡次數無其他幾位咁多,另外都唔太理解佢個造型…

做乜啫你?

相關文章:

同郭藹明恩愛23年 劉青雲 五大冧妻語錄

袁文傑論電擊頸箍:當係階下囚定奴隸?

見家長好事近 歐鎧淳明年退役等嫁

關注我們Facebook專頁
    相關新聞
      更多瀏覽