【林作話撐】落選港姐尤蔭蔭想嫁 家人反對:俾我揀多次都會咁做
2017年12月29日07:00

2012年落選港姐尤蔭蔭,過檔奇妙電視做主播,日前有傳媒見佢計劃與圈外男友梁揚提結婚,打畀佢諗住恭喜佢時,先知佢係暪住家人入紙結婚,事件被揭穿,婚事亦要延期。

尤蔭蔭之後就係FB留言,講番自己點解婚事告吹:「事實係因為我家境不錯,所以我父母希望我將來的伴侶背景同我們有返咁上下。可惜我男友嘅工作不太順利,父母希望佢在工作上有一番成就先成親。」

尤蔭蔭話理解佢哋嘅想法,不過對於佢嚟講,愛情係唔能夠用金錢去衡量:「說到底,誰希望他們的子女將來要捱苦?但是當他們得知我們要結婚的消息,當下第一個反應並不是恭喜或祝福你,而是你沒有錢如何娶老婆,那時候感覺真難受。」

最後事件被揭穿,婚事要延期:「雖然成件事有啲無奈,但係如果俾我再揀多次,我都會咁做。始終我都認為當你愛上一個人時候,其他的都不太重要。就好似食麥當勞或者大家樂都可以好好食,最緊要係睇對象係邊個。」

唔少網民力撐尤蔭蔭,好似林作咁,就用自己嘅經歷力撐蔭蔭:「我知道佢好知自己要咩。今次咁,係佢展現孝順嘅一面。不過我知道,當你終有一日有毛有翼嘅時候,你會不畏強權,勇敢擁抱愛情。因為你祖先尤列嘅基因就係咁。」

關注我們Facebook專頁
    相關新聞
      更多瀏覽