蕭正楠收陸永聖誕禮物灰爆 究竟係咩嚟?
2017年12月27日19:03

早前聖誕佳節,唔少人都會同一班朋友開party,交換禮物就少不了,不過想交換到一份適合自己又有心思的禮物,這些機會真係唔係個個有!蕭正楠同一眾藝人朋友都唔例外,去到陸永屋企開聖誕party,不過抽中咗陸永份禮物之後當堂灰到爆,咩笑容都無晒!

蕭正楠 陸永家開party

蕭正楠早前聖誕節與女友黃翠如、陸永夫婦、C君及唐詩詠等人,齊齊去到陸永屋企開party,食大餐兼交換禮物。陸永太太Reina在IG上載合照及短片,其中蕭正楠拆禮物的片段非常爆笑!話說佢抽中陸永的禮物,不過禮物紙未拆完,蕭公子就發現唔對路……

蕭正楠收禮灰爆

原來陸永準備的禮物係一隻聖誕老人公仔,不過隻公仔個樣唔多討好,仲要成身都係灰色,難怪蕭公子打開之後當堂灰晒,呆咗咁企喺度,默不作聲的苦笑!

同蕭公子相反,陸永同C君笑到停唔到,C君稱「有咩好得過聖誕節收到聖誕老人!」陸永回應:「我幾有心,幾難買到個咁樣衰!」蕭公子都唔知好嬲定好笑!

蕭正楠 送梳打餅 檸檬薑

蕭公子抽到份咁灰的禮物,不過原來佢自己準備的禮物亦唔係好得去邊!佢接受訪問時稱自己當日收工趕去party,無咩時間準備,所以求其買咗梳打餅同檸檬薑做作交換禮物,之後更由C君女友黃天頤抽中!蕭公子怕對方唔開心,所以額外準備了「利是」補數!咁就差唔多!

去片:

(@missussix)分享的貼文 於 PST 2017 年 12月 月 25 日 10:12 上午 張貼

相關文章:

陳豪偷嗒咪神?李佳芯小背心色誘森美反擊

29歲生日孖男友睇極光 JM 唔見行李凍到病

2017人氣搜尋女神江嘉敏 出trip索爆泳衣照重溫

關注我們Facebook專頁
    相關新聞
      更多瀏覽